Zgjedhja e kreut të ri të BKH, 7 kandidatë kualifikohen për fazën e dytë

Pas shqyrtimit të aplikimeve dhe dokumentacionit të 13 kandidatëve për pozicionin e Drejtorit të Byrosë Kombëtare të Hetimit, BKH, Komisioni i Përzgjedhjes ka vendosur sot të kaloi në fazës në e dytë vetëm 7 prej tyre.

Kështu, kriteret ligjore i përmbushin këta kandidatë:

– Andi Pogaçe

– Artur Beu

– Elton Kërluku

– Gentian Ndoi

– Gentjan Shehaj

– Gledis Nano

– Joni Keta

Procesi i përzgjedhjes zhvillohet në bazë të nenit 148/dh të Kushtetutës dhe ligjit për organizimin e institucioneve kundër korrupsionit dhe krimit të organizuar.

Faza e ardhshme përfshin testime të mëtejshme profesionale dhe vlerësime të integritetit.

Ndryshe, Aida Veizaj Hajnaj u emërua në krye të BKH-së në 30 korrik 2020 me një mandat 5-vjeçar. Gara për drejtuesin e ri të BKH-së u hap nga SPAK, pasi mandati i Aida Veizaj Hajnaj përfundon në 31 gusht.