Evakuime masive të turistëve në Kretë për shkak të zjarrit, spitalet në gatishmëri
Një zjarr i madh në Greqi vazhdon të jetë jashtë kontrollit në pjesën lindore të ishullit të Kretës, pasi shpërtheu dje pasdite në një zonë të pyllëzuar me vështirësi për zjarrfikësit për t’ju afruar zjarrit, dhe, pranë komunës së Ierapetrës.
Zjarri po nxitet nga erërat me fuqi uragani që arrijnë deri në nivelin tetë të shkallës Beaufort, duke bërë që ai të përhapet me shpejtësi drejt jugut dhe të kërcënojë ndërtesat e banimit, akomodimet turistike dhe infrastrukturën kyçe, përfshirë një pikë karburanti.
Dukshmëria zero, zona e mbuluar nga tymi
Sipas shërbimeve të emergjencës, zjarri aktualisht është përhapur në të paktën 6 kilometra, gjë që e bën gjithnjë e më të vështirë për ta vënë nën kontroll. Tymi i dendur mbuloi një zonë më të gjerë dhe dukshmëria u ul në pothuajse zero në disa vende.
Tymi u përhap deri në plazhin Makry Gialos, 10 kilometra nga Achlia në rajonin Lasithi, ku zjarrfikësit po përpiqen të vënë nën kontroll zjarrin.
Evakuime, rrugë të mbyllura dhe probleme me frymëmarrje
Rruga kryesore pranë fshatit Agia Fotia u mbyll për trafikun dhe policia u bëri thirrje banorëve dhe turistëve të shmangin të gjitha udhëtimet jo të domosdoshme për shkak të cilësisë jashtëzakonisht të dobët të ajrit, nxehtësisë ekstreme dhe hirit që bie nga qielli.
Në vendbanimin Agia Fotia, shtëpitë dhe objektet me qira u shkatërruan dhe burimet lokale pohojnë se zona mbeti pa energji elektrike. Të paktën katër të moshuar u dërguan në spital me probleme me frymëmarrjen të shkaktuara nga thithja e tymit.
Spitalet në gatishmëri, hotelet u evakuuan
Autoritetet shëndetësore kanë vënë në gatishmëri të gjitha spitalet në Kretë. Autoritetet kanë urdhëruar një evakuim masiv të hoteleve, akomodimeve private dhe shtëpive në komunën e Fermës, ndërsa zjarri i afrohet zonës. Operacioni po kryhet me mbështetjen e zjarrfikësve, policisë dhe vullnetarëve vendas.
Deri më tani, rreth 1,500 persona janë evakuuar nga vendbanimet dhe zonat turistike përreth, të cilët janë transferuar në Ierapetra. Rreth 200 prej tyre janë strehuar përkohësisht në sallën e sporteve të qytetit.
Forca të përforcuara, lufta me stuhinë e zjarrit gjatë natës
Forca zjarrfikëse janë përforcuar ndjeshëm. Deri të mërkurën në mbrëmje, në vendngjarje ndodheshin 155 zjarrfikës, tetë ekipe të specializuara këmbësorie dhe 38 automjete zjarrfikëse. Deri në perëndim të diellit, katër helikopterë po hidhnin ujë mbi zjarrin. Autoritetet lokale bashkiake kanë angazhuar gjithashtu autobote uji dhe makineri të rënda.
Forca shtesë janë drejt vendit të ngjarjes – 17 zjarrfikës të tjerë, një ekip këmbësorie dhe pesë automjete po vijnë nga Pireu, dhe 33 zjarrfikës të tjerë dhe katër ekipe shtesë EMODE nga Elefsina.
Zjarri i paparashikueshëm, njerëzit evakuohen nga deti
Sipas televizionit publik grek, ERT, shërbimi i zjarrfikësve ka urdhëruar një tërheqje taktike për të mbrojtur personelin dhe për t’u përqendruar në ndërtimin e zonave zjarrfikëse. Mësohet se zjarrfikësit do të vazhdojnë të qëndrojnë në vendngjarje.
Ndërkohë alarme emergjence u lëshuan disa herë gjatë ditës nëpërmjet sistemit 112, me urdhra evakuimi për disa vendbanime, dhe individët u evakuuan gjithashtu me varka nga plazhet.
Zjarri përhapet nëpër pyll të dendur, ndihma mbërrin nga ajri
Zjarri, i cili shpërtheu midis Agia Fotia dhe fshatit Skinokapsala, po përhapet nëpër bimësi të dendur. Kushtet e thata, terreni i pjerrët dhe erërat e forta po e bëjnë të vështirë shuarjen e tij.
Ndryshe, gjatë kësaj jave, më shumë se 50.000 njerëz në Turqi u evakuuan për shkak të një zjarri në Izmir, dhe të paktën gjashtë persona kanë vdekur si pasojë e valës së të nxehtit që po godet Evropën, përfshirë Spanjën, Italinë dhe Francën.
