Vëllai i Kryetarit të Bashkisë Tiranë në burg 5 orë në SPAK, Arbër Veliaj: Erdha vullnetarisht!
Vëllai i Kryetarit të Bashkisë Tiranë në burg, Arbër Veliaj, pasi qëndroi mbi pesë orë në SPAK tha se u paraqit vullnetarisht, por nuk tregoi se për çfarë u pyet nga prokurorët e posacëm.
“Erdha vullnetarisht të sqaroj pozicionin tim,” u shpreh Arbër Veliaj, dhe, sikur SPAK mos të kishte urdhëruar në muajin dhjetor të 2024 kontrolle në bizneset e tij, sikur mos t’i kishte sekuestuar celularin në kuadër të hetimit të Kryetarit të Bashkisë Tiranë në burg, dhe sikur mos të ishte pyetur sot në cilësinë e personit që ka dijeni lidhur me çështjen e kryebashkiakut, si dhe mos t’i kishte dhënë shpjegime për marrëdhënien financiare që kishte me kunatën e tij, Ajola Xoxa, sot Arbëri i Lali Erit mund të konsiderohej qytetarë shembullor që paraqitet vullnetarisht në SPAK.
Dhe, Arbër Veliaj mund të kishte lënë përshtypjen e qytetarit të mirë sot, sikur i vëllai i tij tashmë i pandehur mos ta kishte luajtur rolin po me këtë skenar “vullnetar”, para se ti viheshin prangat!
Ndryshe, tre jave me pare Gjykata e Posaçme e Apelit rrëzoi një ankimim të Arbër Veliajt, ku kundërshtonte kontrollet e SPAK që u kryen në dhjetor të 2024 në shtëpitë e tij dhe në ambientet e bizneseve.
Gjykata e Lartë, me një vendim të datës 25 Maj, pranoi rekursin e Arbër Veliaj dhe ktheu dosjen për rigjykim në Gjykatën e Apelit të Posaçëm tek i njëjti trup gjykues.
Por, togat e zeza vendosën mospranimin e ankimit të vëllait të Kryetarit të Bashkisë Tiranë në burg, kundër vendimit të datës 20 Dhjetor 2024 të Gjykatës së Posaçme për ushtrimin e kontrolleve.
Erion Veliaj është marrë i pandehur për 4 akuza të rënda, bashkë me gruan e tij Ajola Xoxa, familjarë dhe bashkëpunëtorët të kësaj të fundit, biznesmenë, kompani e OJF.
Ditët e fundit, Kryetari i Bashkisë Tiranë në burg ka kërkuar nga Gjykata e Posaçme pavlefshmërinë e akteve të dosjes, duke pretenduar shkelje të rënda proceduriale të kryera nga SPAK.
