I pakënaur me Kryeparlamentarin e zgjedhur, Liburn Aliu jep dorëheqje nga ministri në detyrë

I pakënaqur me zgjedhjen e Dimal Bashës si Kryetar të Parlamentit të Kosovës, sot ministri në detyrë i Infrastrukturës, Liburn Aliu, ka bërë të ditur se ka dhënë dorëheqje.

“Dua t’ju njoftoj që sapo e dorezova te Kryeministri i Republikës së Kosovës, z. Albin Kurti, letrën e dorëheqjes sime nga detyra e Ministrit në Ministrinë e Mjedisit, Planifikimit Hapësinor dhe Infrastrukturës,” tha Liburn Aliu përmes rrjetit social Facebook duek sqaruar se kjo dorëheqje vjen pas zgjedhjes së djeshme të kryetarit të Parlamentit të Kosovës ndërsa përfundon:

“Konsideroj që zgjedhja e djeshme e Kryetarit të Kuvendit, institucionit më të lartë, ku vendosen ligjet dhe jep llogari qeveria, nuk është në frymën e në lartësinë e atij ideali për Republikën që ka qenë dhe mbetet arsye angazhimi për mua.”

Ndryshe, Liburn Aliuishte pjesë e Qeverisë Kurti nga marsi i vitit 2021, ishte drejtues i Ministrisë së Mjedisit, Planifikimit Hapësinor dhe Infrastrukturës dhe njëri ndër ministrat më të akuzuar nga opozita për paligjshmëri në zbatimin e projekteve dhe dhënien e tenderave, akuza për të cilat ka filluar hetimet Prokuroria Speciale.