Pas dështimit me inceneratorët, Edi Rama fajëson qytetarët dhe krijon institucion të ri për menaxhim

Duke shpreh keqardhje që ka vënë re një përmirësim të mëtejshëm të proceseve të pastrimit, por nuk ka vënë re ndonjë vetëdijësim të qytetarëve në trajtimin e mbetjeve, Kryeministri Edi Rama pasi dështoi me inceneratorët sot bërit të ditur se për menaxhimin e integruar të mbetjeve në Shqipëri shpalli krijimin e një Operatori Kombëtar që do të marrë përsipër grumbullimin dhe trajtimin e mbetjeve në të gjithë vendin.

“Një ndërmarrje e re që do të jetë në dispozicion, në dispozicion të pushtetit vendor, duke përqendruar të gjithë procesin e trajtimit të mbetjeve, grumbullim dhe trajtim, në një strukturë të vetme,” tha Edi Rama duke mos marrë asnjë përgjegjësi për këtë dështim madhor por duke shtuar se ky ndryshim do të zhvendosë përgjegjësinë nga bashkitë drejt këtij Operatori të ri Kombëtar.

“E them me keqardhje që ndërkohë që kemi vënë re një përmirësim të mëtejshëm te proceseve të pastrimit, nuk vëmë re as ndonjë vetëdijesimi të qytetarëve dhe nuk vëmë re përmirësime as në trajtimin e mbetjeve.

Duke parë edhe vendet e tjera, ne do të çojmë përpara një paketë të re reformash dhe masash. Së pari është projektligji i ri për menaxhimin e integruar të mbetjeve, ku kemi parashikuar krijimin e Operatorit Kombëtar të trajtimit të mbetjeve. Një ndërmarrje e re që do të jetë në dispozicion të të gjithë republikës, do të jetë në dispozicion të pushtetit vendor, duke përqndruar të gjithë procesin e trajtimit të mbetjeve. Pra e grumbullimit dhe trajtimit të mbetjeve. Që nuk do jetë më i administruar nga bashkitë, por do të jetë një proces i administruar nga ky Operator Kombëtar, në bashkëpunim me hallkat e tjera të qeverisjes,” tha Kryeministri Edi Rama duke sqaruar se bashkitë do të jenë klientë të këtij Operatori Kombëtar sikur për shërbime të tjera.