Ndikimi rus në Shqipëri/ Berisha jep deklaratën e fortë: Mister mbetet takimi i Ramës me Kirillin…

Ish-Kryeministri Sali Berisha deklaroi mbrëmjen e sotme se ka disa ndryshime të mëdha në politikën botërore, veçanërisht pas inaugurimit të Presidentit Donald Trump, i cili po zbaton programin e tij elektoral.  Berisha tha se madje edhe tërheqjen nga marrëveshja me Iranin ishte një premtim elektoral.

Ish-Kryeministri theksoi se në të gjithë Rajonin, në interesin gjeo-strategjik të Rusisë, dy kanë qenë pikat më të kërkuara prej tyre janë: dardanelet dhe Durrësi.

“E gjithë dashuria e Rusisë është Durrësi. Nuk mund të them se janë siç kanë qenë, por sërisht janë. Faktori shqiptar është më anti-rusi në Rajon.

Mother George (Jones) gjeti të akuzojë PD si pro-ruse. Së pari shumë mirë që ka një hetim dhe së dyti nuk do të gjendet asnjë kontakt i PD me asnjë faktor rus, asnjë kontratë mes PD dhe rusëve, pasi nuk ekzistojnë.

Qëllimi i akuzës është për të maskuar se ku është influenca ruse. Para ruse u përdorën kundër Sali Berishës në 2013-ën. Së dyti nafta shqiptare, zbarkuan kompanitë ruse, morën ato që morën dhe ikën.

Vizita e Patriarkut të Moskës dhe gjithë Rusive, pas Carit ky është njeriu më i fuqishëm. Po të kemi parasysh edhe misticizmin e shpirtit rus, atëherë del se Shenjtëria e tij, është afër Putinit për nga forca.

Mister është takimi në Kryeministri dhe Rama mori në takim Pandeli Majkon”, tha Berisha, duke shtuar se Rama e dinte që Kirill e kishte vizitën politike dhe jo fetare.

“Fuqia korruptive ruse ka kufi vetëm qiellin. Ai u prit sikur Kryeministria ishte një kishëzë ortodokse”, tha Berisha.