Sulmi i çmendur izraelit ndaj Katarit, KS i OKB takim urgjent
Pa sulmit izraelit të paprecedent ndaj kryeqytetit të Katarit, Doha, bazuar në ligjet ndërkombëtare, dhe, të çmendur bazuar në faktin se Katari mori përsipër që së bashku me Egjiptin dhe Shtetet e Bashkuara të ndërmjetësoi për paqen në Gaza midis Izraelit dhe Hamasit, Këshilli i Sigurimit të Kombeve të Bashkuara do të thërrasë një takim urgjent sot për të diskutuar rreth këtij sulmi.
Seanca e KS të OKB-së, pas sulmin izraelit ndaj udhëheqjes së organizatës palestineze Hamas në Katar, u kërkua nga Algjeria dhe shtetet tjera anëtare, raporton Agjencia e lajmeve DPA duke ju referuara burimeve diplomatike.
Katari e dënoi sulmin
Katari e dënoi sulmin si një “shkelje flagrante të të gjitha ligjeve dhe normave ndërkombëtare” dhe një “kërcënim serioz për sigurinë” e banorëve të tij.
Hamasi tha se gjashtë persona u vranë në një sulm të papritur në Doha dje, përfshirë djalin e Halil al-Haya, figurës më me ndikim të lëvizjes islamiste jashtë vendit, dhe shefin e tij të stafit, ndërsa Kryeministri izraelit Benjamin Netanyahu që tashmë ka marrë lejen për të vrarë këdo, tha se sulmi ishte në përgjigje të një të shtëne vdekjeprurëse nga Hamasi në Jerusalem pardje, në të cilën dy persona të armatosur të Hamasit vranë gjashtë persona, dhe një sulmi tjetër ndaj ushtarëve në Gaza.
Deklarata e Donald Trump
Presidenti i SHBA-së, Donald Trump, tha dje se vendimi i Izraelit për të sulmuar Katarin u mor nga Kryeministri Benjamin Netanyahu, jo nga presidenti amerikan.
“Bombardimi i njëanshëm brenda Katarit, një vend sovran dhe aleat i ngushtë i Shteteve të Bashkuara që po punon shumë fort dhe po merr me guxim rreziqe me ne për të negociuar paqen, nuk i çon përpara qëllimet e Izraelit apo të Amerikës,” u shpreh Trump në rrjetet sociale.
“Megjithatë, eliminimi i Hamasit, i cili ka përfituar nga mjerimi i atyre që jetojnë në Gaza, është një qëllim i denjë”, shtoi ai. Pas sulmit, Trump foli me Netanyahun dhe Emirin e Katarit, Sheikh Tamim bin Hamad Al-Thani. Ai e siguroi udhëheqësin e Katarit se “diçka e tillë nuk do të ndodhë më në tokën e tyre”, tha Trump, duke shtuar se ndihej “shumë keq” për vendndodhjen e sulmit.
Por, televizioni izraelit Channel 12 raporton, duke iu referuar një përfaqësuesi qeveritar izraelit, se Presidenti i SHBA-së Donald Trump, i ka dhënë dritën jeshile këtij sulmi.
Ndërkohë, përveç vendeve të shumta myslimane, sulmi u dënua nga udhëheqësit e Britanisë së Madhe, Francës, Turqisë, Gjermanisë, Spanjës, Sllovenisë, si dhe zyrtarë të BE-së dhe OKB-së.
Ndryshe, Forcat Mbrojtëse të Izraelit, IDF, kanë njoftuar se ka kryer sulme dje në Doha, që kishin në shënjestër “udhëheqjen e lartë të organizatës terroriste Hamas”. Katari reagoi i indinjuar duke e bërë të qartë se pezullon rolin e ndërmjetësuesit.
