Vullnetarët proamerikanë të Enverit!
nga Agim Popoci
Ti shqa thërret,
ti shqa bërtet,
gjer lartë në retë
se jemi Antiamerikanë!
Jo, jo, jemi shqiptarë e kosovarë, zot e krenarë, zot e bujarë, pikërisht ashtu siç na përshkruante Mitrush Kuteli, ndonëse duhet pranuar një dallim jo të papërfillshëm, me bari të nivelit shumë më të ulët, si batonë e buzhalë, që Vullentarëve të Enverit po u ngjallin sentimentin dhe po i tërheqin zvarrë majtas duke mos i lejuar fare as të shikojnë djathtas, madje duke i detyruar edhe ata që janë me bindje të djathta, zyrtarisht në Partinë Popullore Evropiane, EPP, të dëgjojnë dhe ligjërata të enveristit Edi Rama!
Vetëm e vetëm, për të mos qenë djathtas, aty ku çdo shqiptar e kupton pse jemi shqiptarë e kosovarë, dhe pse duhet të jemi Proamerikanë!
Në asnjë mënyrë, vetëm pse Serbia na akuzon si Antiamerikanë, në asnjë mënyrë të jemi Proamerikan si Vullnnetarët e Enverit, qoftë si marksist-leninist ose vetëvendosës, por, për të vetmen arsye, sepse ekzistojmë vetëm falë Amerikës!
Pse ishim në anën e duhur në vitin 1999, kjo është punë e Perëndisë, arsye të cilën e ka sot të qartë edhe Serbia pse e humbi Kosovën, ashtu siç ishte e qartë në vitin 1945 kur bëri nul Konferencën e Bujanit dhe i mohoi kosovarëve të drejtën për vetëvendosje!
Por, i gjithë ky llum i drejtuar nga batonë e buzhalë që nuk u gëzua në 10 Janar të këtij viti, madje nuk u pasqyrua fare në media kur Presidentja e Kosovës, Vjosa Osmani, bëri të ditur se Kosova dhe Shtetet e Bashkuara do ta finalizojnë së shpejti një Marrëveshje për Dialog Strategjik, ndezën zjarrin e proamerikanizmit në mes të Vullnetarëve të Enverit më 12 shtator, me lajmin e lançuar nga Ambasada amerikane në Prishtinë se Dialogu Strategjik u pezullua!
Përkundër faktit se nuk kishte se si pezullohej Marrëveshja për Dialogun Strategjik sepse nuk është arritur, madje për këtë Marrëveshje ishte i kujdesshëm edhe vetë Zv/Ssekretari i Shtetit për Menaxhim dhe Burime i SHBA-së, Richard R. Verma, i cili po qëndronte pranë Presidentes së Kosovës, sepse ishte në ditët e fundit të mandatit të tij që priste administratën e Presidentit të ri amerikan që ishte zgjedhur, batonë e buzhalë me bandën e tyre propagandistike u futën në mes të Vullnetarëve të Enverit për të treguar se kush janë Proamerikanë, ndërsa të tjerët sipas tyre, kanë vënë në rrezik Kosovën me këtë pezullim!
Keqpërdorimin e këtij lajmi nga batonë e buzhalë Ambasada amerikane në Prishtinë u mundua ta qartësoj përmes një Deklarate të dytë, tre ditë më pas, u kuptua se qëndrimi i partisë në pushtet Vetëvendosje dhe liderit të saj Albin Kurti si Kryeministër në detyrë ndaj Listës Srpska ishte arsyeja për lajmin e “pezullimit”, por devijimi nga thelbi ishte punë e propaganduesve në Kosovë
që lanë gjurmë të thella pasi mediat serbe e futën në ingranazhin e Serbisë ku u citua dhe krimineli Dobrica Çosiç, i transmetuar në mediat kosovare si babai i kombit serb, se “Serbia do të kthehet në Kosovë, kur shqiptarët të bëhen kundërshtarë të Amerikës!”
Në gjithë katrahurë politike që çorientoi tej mase jetën politike dhe shoqërore në Kosovë, habit fakti pse vetëvendosësit Vullnetarë proamerikanë të Enverit u përfshinë në një debat që nuk ju takon!
Opozita në Kosovë mund të vazhdojë të tregojë përralla si Vullnetarë proamerikanë të Enverit, por, ata, si dje ashtu edhe sot këtë dashuri amerikane nuk e kanë të lidhur me asgjë tjetër përveç se me pushtetin, dhe vetëm linja ideologjike marksist-leniniste ishte ajo që i mbetën besnike me çdo çmim!
Për fat te keq, këtu përfshihet edhe fatosi i Edi Ramës, Lumir Abdixhiku, që devijoi linjën e partisë së Ibrahim Rugovës, LDK, edhe pse pjesë e të djathtës evropiane që nuk cenon vlerat euroatlantike për asnjë çmim, dhe u fut në vallen e Vullnetarëve proamerikanë të Enverit duke akuzuar Vullnetarët proamerikanë të Enverit!
Nga ana tjetër, Lëvizja Vetëvendosje, nuk reagoi me përgjegjshmëri ndaj një reagimi të krijuesit të Kosovës, por u hodh në betejë me Vullnetarët e saj proamerikanë të Enverit, për ti treguar marksist-leninistëve se kush janë promaerikanë në këtë mes!
Vetë Albin Kurti kurrë nuk është deklaruar si Proamerikan, ishte dhe mbeti një Proevropian i thekur duke u qartësuar në disa raste se nuk ka Kosovë pa Amerikë!
Pse duhet shpura vetëvendosëse e Vullnetarëve proamerikanë të Enverit ti tregoj opozitës marksist-leniniste Vullnetarë proamerikanë të Enverit se sa proamerikanë që janë, kur nuk janë të tillë!
Amerika ishte dhe është mbështetëse e projektit të saj, Kosovës, dhe nëse asgjë tjetër, Albin Kurti dhe jo vetëm, duke respektuar traditën shqiptare duhet ta informoj zotin e shtëpisë për veprimet që ka ndërmend ti bëjë, qoftë kjo dhe mbyllja e ca zyrave të institucioneve serbe në Graçanicë!
Pavarësisht propagandës së batonëve dhe buzhalëve dhe reagimit opozitar, më Proamerikanë nuk është ai që është më i zëshëm ose është më prezent në rrjetet sociale, dhe Lëvizja Vetëvendosje me Albin Kurtit në krye duhet ta respektoj Kushtetutën, edhe kur bëhet fjalë për pakicën serbe, pa përjashtuar këtu mundësinë se Amerika mund të reagoj publikisht edhe sa për politikë ndaj Moskës ose Serbisë.
Nëse ka njerëz në Lëvizjen Vetëvendosje që i rrenë mendja se mund të integrojnë serbët në Kosovë pa lejen e Beogradit, aq më shumë ta bindin edhe opozitën Kosovare për angazhimet e Qeverisë Kurti, mund ti hedhin një sy angazhimit të Ambasadorit të fundit të SHBA në Beograd, Christopher Hill, për ta kthyer Serbinë nga Perëndimi me gjithë facilitetet që i dha një fuqi botërore si Amerika; Dhe, do ta shoh se si dështoi me sukses edhe njeriu që kishte gjithë autoritetin e Presidentit amerikan për të vepruar në betejë me Moskën për Serbinë!
Nëse Amerika dështoi për ta kthyer Serbinë me sy nga Moska drejt Perëndimit, pse Qeveria Kurti nuk duhet ta pranoj faktin se ajo dështoi që të kthej serbët e Kosovës me sy nga Beogradi drejt Prishtinë, dhe ti kthehet realitetit për të vazhduar shtetndërtimin!
Në fund, e gjithë kjo situatë në pamje të parë shumë e ngatërruar, është shumë e thjeshtë për tu tejkaluar, aq sa rezultoi se nuk janë ndjekësit e Edi Ramës, Vullnetarë proamerikanë të Enverit, poaq nuk ka shanse sot të bëhen as vetëvendosësit, Vullnetarë proamerikanë të Enverit; Ama, një gjë është e sigurtë, Antiamerikanë, siç thotë Beogradi zyrtar, nuk janë!
Dhe, sot, pa turp dhe me plotë gojën, akuzës për Antiamerikanë mund ti përgjigjet çdo batoni e buzhale, ashtu si dhe Presidentit të Serbisë, duke perifrazuar Mitrush Kutelin e madh:
Jo, s’jam
si bërtet ti,
si buçet ti,
ti, Mal i Zi.
Po vendin tim e dua,
lirinë e dua,
e s’dua
zot
mbi mua.
