Kërcënon Patronazhistët e Lali Erit, Rama: Patronazhistët e PS mezi po presin të hakmerren!

Pas shkarkimit në Këshillin Bashkiak, duke shpallur ditët e fundit të pushtetit të Erion Veliajt, pas takimeve me Nënkryetarët e Bashkisë Tiranë dhe deputetëve të Qarkut Tiranë, Kryeministri Edi Rama shpalli nisjen e punës për zgjedhjet e reja në Tiranë, ku sipas tij, kandidatura e Ogerta Manastirliut ka mbështetjen e plotë të kësaj familje por jo edhe të vetë Ogertës që po rrinte thuajse është shkarkuar dhe jo nominuar, ku nuk harroi ti shpall edhe luftë Patronazhistëve të Lali Erit në Tiranë dhe jo vetëm!

Në çast, deklaratën e dalë nga goja e pakontrolluar e Edi Ramës mbi hakmarrjen e Patronazhistëve të PS, u munduan t’a devijojnë mediat e carlove, sokolëve, irfanëve e hoxhallarëve, se i ishte dedikuar opozitës si kundërshtare, por fjala që shkoj së bashku me gjuhën e Edi Ramës aty ku i dhimbte dhëmbi Ramës bëri dallimin, “përqeshja”; Sepse me Patronazhistët janë përqeshur vetëm Pastronazhistët e Lali Erit si pronar hotelesh dhe restorantesh ndërsa shikonin ata të PS që mjaftoheshin vetëm me ndonjë celular të orëve të fundit, dhe në kokën e Kryeministrit aktualisht janë kundërshtarë, ndryshe do ti cilësonte, opozitë.

“Pas 7 muajsh pa një kryetar bashkie të votuar në krye të detyrës dhe po ashtu pa një kryetar bashkie të dënuar nga drejtësia në lidhje me detyrën, u detyruam të marrim një hap të debatueshëm, por të detyrueshëm për fatin e kryeqytetit të Shqipërisë,” tha Edi Rama në takim me deputetët e Qarkut Tiranë ku dhe shpalli nisjen e punës për të shkuar drejt zgjedhjeve për Kryetarin e ri të Bashkisë Tiranë pasi edhe shkresën e Prefektit e kishte në tavolinë, dhe pritet vetëm firma mbi Vendimin e Qeverisë për të Dekretuar dhe zgjedhjet nga President Baromi.

“Tema jonë si PS është sot të nisim punën për zgjedhjet e reja në Tiranë. Me kandidaten e duhur dhe me organizimin e mbështetjen e duhur do të marrim rezultatin e duhur. Më vjen shumë mirë që, siç edhe ju të gjithë, kandidatura e Ogertës ka qenë mbështetje e plotë e familjes sonë politike. Ku të gjithë e çmojnë kandidaten tonë dhe janë me një mendje që është radha e saj për të udhëhequr Tiranën,” tha Edi Rama pa sqaruar pse është e mërzitur Ogerta ndërsa shfrytëzoi rastin t’ju bëjë qejfin Patronazhistëve të PS, që gjithashtu janë të mërzitur, por ata kanë një tjetër hall, pse nuk janë të pasur si Patronazhistët e Lali Erit si pronarë hotelesh dhe restorantesh, që bëjnë pushimet në hotelet e Antalyas me pesë yje ndërsa ata përfunduan në kabinat e qelbura të Golemit ose makismalisht atyre të Spillesë së kandelave edhe pas fitores së thellë të 11 Mait 2025, që ende nuk e ka sqaruar as Kuçi e as OSBE.

“Nuk kam asnjë dyshim që patronazhistët mezi po presin që të hakmerren ndaj përqeshjeve të rradhës.

Me një reagim të duhur të rradhës, i cili do të pasqyrohet me rezultatin e ditës së zgjedhjeve të Bashkisë së Tiranës, kur ato të bëhen sepse nuk jemi ne që vendosim për ditën e zgjedhjeve,” tha Edi Rama duke dhënë mesazhin edhe për ata Patronazhistë të rrjetit të Lali Erit që ishin shtrirë në gjithë Shqipërinë dhe ishin në pritje të rrëzimit të kryerilindasit në Tiranë:

“Po flas dhe për Matin, Vlorën, Beratin etj. Besoj se goditja e patronazhistëve të atjeshëm do të jetë akoma më dëshpëruese, se sa ajo e Tiranës. Prap së prapë do të zhvillohet një garë si kudo, sepse ne prandaj jemi këtu që të fitojmë çdo garë që na del përpara me qetësinë më të madhe.

Ne jemi fitimtar sepse vazhdojmë të zgjodhemi më herët dhe të flejmë më vonë, se sa humbësit.”

Dhe, derisa Edi Rama vazhdon e flet për Patronazhistët e PS që nuk e dinë tashmë kë kanë shef dhe ku e kanë Fugën e rrogave, Patronazhistët e Lali Erit që ishin shumë më të avancuar në prioritetet e Lalit dhe sot janë boss të bizneseve të suksesshme në Shqipëri që bëjnë ndryshimin edhe brenda llojit, nuk po kuptojnë kolegët e tyre të sapokthyer nga brigjet turke dhe plotësisht të relaksuar, pse duhet të përqeshin ca pabukësa që nuk janë asgjë më shumë se sa bijë e bija të sigurimsave të xhaxhit, që ranë në trans kur morën si shpërblim nga një celular të ditëve të fundit!

Ndërkohë opozita dhe PD, pas “hakmarrjes” që u deshifrua si dedikim ndaj Partisë Demokratike vetëm nga ca idiotë të Llullit, është mirë ta fut në ligjërimin e saj politik “arrestimin e të gjithë Patronazhistëve”, dhe jo vetëm të PS, ngjashëm me urdhërat e fundit të Presidentit të SHBA, Donald Trump, për organizatat terroriste, sepse pavarësisht se çfarë llomotitë Edi Rama, shumica e emrave të Patronazhistëve që u bënë publik ishin ushtarë të Lali Erit që edhe në këto momente presin jo përqeshjen e rradhës, por, URDHERIN!