Slovenia e shpall Netanyahun person non grata!
Qeveria e Slovenisë shpalli sot kryeministrin izraelit Benjamin Netanyahu person të padëshirueshëm dhe i ndaloi hyrjen në vend.
Ky vendim, sqaroi Sekretarja e Shtetit në Ministrinë e Punëve të Jashtme, Neva Grashiç, vjen pas masave të marra tashmë kundër dy ministrave ekstremistë izraelitë, Itamar Ben-Gvir dhe Bezalel Smotrich, të cilët u shpallën persona non grata në muajin korrik.
“Publiku është i vetëdijshëm se ai po ndiqet penalisht për kryerjen e krimeve të luftës dhe krimeve kundër njerëzimit. Ndër të tjera, Gjykata Ndërkombëtare e Drejtësisë vendosi më 19 korrik 2024 se disa politika dhe praktika izraelite shkelin të drejtën ndërkombëtare humanitare dhe të drejtat e njeriut,” tha Neva Grashiç pas vendimit të qeverisë për të shpallur Netanyahun person non grata.
Državna sekretarka @MZEZ_RS Neva Grašič:
— Vlada Republike Slovenije (@vladaRS) September 25, 2025
Vlada je danes sprejela ukrep proti Benjaminu Netanjahuju, predsedniku vlade države Izrael, ki sledi že sprejetim ukrepom proti dvema ekstremnima izraelskima ministroma.
Javnosti je znano, da proti njemu tečejo postopki zaradi storitve… pic.twitter.com/coBH2n2TJv
“Me këtë vendim, qeveria i dërgon një mesazh të qartë Shtetit të Izraelit se Slovenia pret respektim të vazhdueshëm të vendimeve të gjykatave ndërkombëtare dhe të drejtës ndërkombëtare humanitare,” shprehet qeveria e Slovenisë përmes rrjetit social X.
Kështu, Slovenia “konfirmon angazhimin e saj ndaj së drejtës ndërkombëtare, vlerave universale të të drejtave të njeriut dhe politikës së jashtme parimore dhe konsistente”.
Masa e sotme vjen pas vendimit të qeverisë në muajin korrik për të shpallur Ministrin e Sigurisë Kombëtare të Izraelit, Ben-Gvir, dhe Ministrin e Financave, Smotrich, si persona të padëshirueshëm.
Slovenia, raporton Agjencia e lajmeve Reuters, një shtet anëtar i BE-së që vitin e kaluar njohu shtetin palestinez, në muajin gusht vendosi një embargo armësh ndaj Izraelit dhe futi një ndalim për importin e mallrave të prodhuara në territoret palestineze të pushtuara nga Izraeli.
