Parashikimi i motit, për datë 6 Tetor, ja çfarë pritet

Parashikimi i motit, për datë 6 Tetor:

Sot priten reshje mesatare deri lokalisht intensive në qarqet Shkodër, Kukës, Durrës, Elbasan, Vlorë dhe Gjirokastër ndërsa në qarqet e tjera priten reshje mesatare të shoqëruara me shtrëngata.

Në Veri dhe VeriLindje në lartësitë mbi 900 m nga niveli i detit reshjet do të jenë në formë dëbore.

Shtrëngatat dhe intensiteti i lartë i reshjeve, për momente të shkurtra, mund të krijojnë probleme të ndryshme, si dhe vërshime të ujit në zonat urbane, në varësi të sistemit të kanalizimeve në qarqet Shkodër, Kukës, Durrës, Elbasan, Vlorë dhe Gjirokastër.

Era pritet të fryjë e lehtë deri mesatare, ndërsa në bregdet dhe zonat malore për momente të shkurtra deri e fortë.

Temperaturat minimale dhe maksimale:

Në bregdet: 13 / 20 °C

Në vendet e ulëta: 8 / 20 °C

Në vendet malore: 5 / 15 °C