Takimi Osmani-Radev, kërkohet heqja e masave të BE-së ndaj Kosovës

Hejqa e masave të padrejta ndaj Kosovës dhe avancimi i aplikimit për statusin e vendit kandidat në Bashkimin Evropian, ishin temë e takimit që Presidentja e Kosovës, Vjosa Osmani, gjatë qëndrimit në Riad zhvilloi me me Presidentin e Bullgarisë, Rumen Radev.

Osmani, në një postim në Facebook, ka thënë se presidenti Radev është mik i Kosovës dhe mbështetës i fuqishëm i aspiratave tona euroatlantike.

“Në takimin tonë në Riad, në qendër të bisedës ishin largimi i masave të padrejta ndaj Kosovës dhe avancimi i aplikimit për statusin e vendit kandidat në Bashkimin Evropian, si pjesë e përpjekjeve tona të përbashkëta për të forcuar stabilitetin rajonal dhe për të thelluar bashkëpunimin ndërmjet vendeve tona në kuadër të partneritetit evropian dhe euroatlantik,” tha Presidentja Vjosa Osmani përmes rrjetit social Facebook pas takimit që zhvilloi me mikun e Kosovës dhe mbështetësin e fuqishëm të aspiratave kosovare euroatlantike, Presidentin e Bullgarisë, Rumen Radev.

Ndryshe, me ftesë të Princit të Kurorës së Arabisë Saudite, Muhamed bin Salman, Presidentja e Kosovës, Vjosa Osmani po merr pjesë në Forumin “Future Investment Initiative”, FII, që po zhvillohet në Riad.