Ra ky mort dhe e pamë, kush e shkërmoqi PD-në!
Vdekja e Ish-Kryeministrit Fatos Nano nuk po kalon vetëm me trazimin e qetësisë familjare të atyre që humbën më të dashurin e tyre, hipokrizisë rilindase me në krye Edi Ramën, por, edhe me një task-hipokrizi që shpreh lidershipi demokratë duke filluar nga drejtuesit e strukturave lokale, drejtori i komunikimit, deputetët e Grupit Parlamentar të PD e e deri te Kryesia me Kryetarin e saj!
Cilësimet prej “liberali”, “ekonomisti të shquar” dhe “reformatori të PS” nga protagonistët aktual të politikbërjes në PD, nuk tregojnë vetëm nivelin e vlerave intelektuale me të cilat drejtohet Partia Demokratike, por, edhe shkaktarin e shkërmoqjes së të djathtës, dhe, PD në veçanti!
Edi Rama mund të çmendet, të shpallë ditë zie edhe për Robert Çamçakëzin, siç e cilësoi vetë ai liderin historik të Partisë Socialiste, dhe atij ti bashkohet e gjithë shpura që e kriminalizoi këtë vend!
I lejohet të çmendet edhe Armand Duka dhe të degdis në zi Federatën Shqiptare të Futbollit, madje të anuloj të gjitha ndeshjet e kësaj jave pse ai ngeli pa mikun e tij, kryeministrin e viteve 2002-2005, sepse jetojmë në Shqipëri!
Por, nuk mund të çmendet e gjithë elita politike e Partisë Demokratike duke shprehur trishtimin pse ndërroi jetë njëri ndër shkatërruesit kryesor të Partisë Demokratike!
Dhe, në këtë trishtim, harron se unazat e gjithë boshtit kurrizor të së djathtës dhe kombit shqiptar, i shkatërroi po ky njeri për të cilin ata shprehin mërzi të tmerrshme!
Jo, Fatos Nano nuk ishte ekonomist i shquar as i pashquar, por një ekonomist i partisë së punës që ideoi Ligjin e famshëm 7501 dhe si Kryetar i PS urdhëroi miratimin e tij, për të cilin Ligj gjithë pronarët e plaçkitur nga komunistët, që ishin dhe një unazë kryesore e boshtit të së djathtës, hodhën gjithë vrerin mbi Sali Berishën, deri sa i futën flakën PD më 8 Janar duke e akuzuar për dështim! Dhe, nuk u pa asnjëri prej tyre të drejtoj gishtin nga ky “ekonomist i shquar”!
Nuk ishte as ekonomist i thjeshtë i një shkolle komuniste, por, një menaxher i një Restoranti që shërbeu dhe vazhdoi të shërben gjak shqiptari! Kur erdhi në pushtet në vitin 1997, sikur të ishte ekonomist qoftë edhe mesatar, nuk do të premtonte kthimin e parave nga firmat piramidale sepse ishte një gjë e pamundur nga një shtet me një ekonomi të rrënuar, dhe, pavarësisht se pronar faktik ishin ata që organizuan revolicionin komunist me Sigurimin e Shtetit! Dhe, nuk kthei asgjë! Askush nuk ja kërkoi, madje as këta demokratë që sot akuzojnë Saliun për lekët e humbura në firmat piramidale!
Liberalin nuk e ka pa as në ëndërr, ose mund të jetë një lloj i liberalit që e kanë shpikur komunistët që milituan në PD derisa e shkërmoqën, dhe, bota nuk dinë gjë! Ndryshe, sikur të ishte liberal, strukturat e shtetit ku ai ishte Kryeministër nuk do ta vrisnin simbolin e demokracisë Azem Hajdari!
Apo demokratët e trishtuar nga vdekja e këtij “liberali” mendojnë se është liberalizëm ti thuash shqiptarëve të Kosovës se kryeqytet kanë Beogradin; Ose, liberal ishte edhe kur e takoi në Kretë kasapin e Ballkanit, Slobodan Milosheviç kur e gjithë bota po e kërkonte ta arrestonte!
Po siç duket, për këtë fakt nuk e vranë mendjen as të përndjekurit politik që shpesh e thonë me zë se ishin boshti kurrizor i Partisë Demokrative! Sikur të ishte ndryshe, nuk kishin pse të çuditeshin sot kur ju thuhet se Fatos Nano nuk ishte liberal dhe ata preokupohen të shajnë Sali Berishën, duke harruar se në vitin 2001 ishte po ky njeri që mori dëmshpërblimin për atë që ai e quante “burg politik” por nuk u tregua zemërgjërë për gjithë atë ushtri të përndjekurish që partia e tij i degdisi nëpër burgje dhe kampe përqendrimi, dhe ti paguante me të njejtin çmim
Telorantin ndoshta e ka menduar në kokë, këtë nuk e dimë, por, trajtimi që i ka bërë Familjes Mbretërore dhe mosrespektit edhe me rastin e shuarjes së Nënës Mbretëreshë Geraldina, dëshmoi se kishim të bëjmë me një katuanr shumë më të rëndë se Gramoz Ruçi, dhe, për këtë monarkistët që shfaqen si boshti i së djathtës duhet të kenë turp, gjithë ditën shajnë Saliun dhe trishtohen kur ju vdes armiku më i madh i qenies së tyre!
Sikur Nëna Mbretëreshë Geraldina, të shuhej në cilindo vend të botës, ajo do të respektohej me nderime shtetërore, ndërsa shteti ku Kryeministër ishte Fatos Nano e shijoi përplasjen e arkivolit nëpër duart e monarkistëve të revoltuar që u nisën drejt Kryeministrisë por u bënë pishman dhe vazhduan rrugën drejt banesës së fundit në varrezat e qytetarëve në Tiranë.
E kur jemi te Restoranti ku shërbente Fatos Nano, me gjak dhe vrasje, nuk duhet harruar tragjedinë e Jonit të 9 Janarit 2004. Shumë demokratë janë mpirë ndërkohë dhe çirren duke kërkuar dënimin e fajtorit për vrasjen e 4 demonstruesëve në kryengritjen komuniste të 21 Janarit 2011! Meqë vazhdojnë me këtë kërkesë duke ju bashkuar horit komunist, mirë bëjnë që kërkojnë vrasësin e 4 qytetarëve që protestuan, por të tregojnë pse nuk kërkuan dhe fajtorin për vrasjen e 28 shqiptarëve që u mbytën në ujrat e detit Jon në sy të shqiptarëve që po kërkonin ndihmë; Ata 11 që arritën të shpëtojnë ishin dëshmi se shteti i drejtuar nga Fatos Nano nuk çau kokën, dhe, sikur të mos marrim parasysh faktin se të gjithë ishin nga veriu, Shkodra, nuk duhet ti mbyllim sytë për të konstatuar se atë që pjellë PARTIA KOMUNISTË gjuan vetëm DEMOKRATË!
Pjellë, e cila fatkeqësisht, para syve të demokratëve po shkërmoq Partinë Demokratike duke ju thënë se nuk kemi as kandidat për Kryetar të Bashkisë Tiranë por na duhet një i pavararur nga Saliu!
