Vlora, testi që Edi Rama përcakton mazhorancën, partitë e reja dhe fituesin!
OSBE-ODIHR nuk e tha, opozitën nuk e pyeti njeri, por, zgjedhjet e pjesshme të 9 Nëntorit në pesë bashki me theks të veçantë në Vlorë, dëshmuan se jo zgjedhjet por Edi Rama është ai që përcakton mazhorancën, partitë e reja dhe fituesin!
Dhe jo vetëm kaq! Ideja e një kandidati të pavarur nga shoqëria civile, që qartësisht ishte ide komuniste për Shqipërinë që nuk ka shoqëri civile, por shoqëri civile të Sigurimit të Shtetit, edhe pa një kandidat të Partisë Demokratike që zakonisht quhej nga mediat nën kontrollin e Sigurimit, si “kandidat i Saliut”, dje rezultoi si ide e dalë nga impianti i Edi Ramës ku mungoi përveç Saliut me kandidatin e tij edhe partitë e reja që krekoseshin se kanë elektoratë, madje, mungoi në tërësi edhe qytetari, me një pjesëmarrje prej 18.7%!
Sot, kur ka rënë edhe ideja e Partisë Socialiste me Vlorën komuniste me pjesëmarrjen e vetëm 12.54% të qytetarëve me të drejtë vote, kur dihet se janë pikërisht komunistët shqiptarë votuesit më të displinuar dhe ja që nuk janë shumicë as në këtë qytet të cilin e shfrytëzuan në ekstrem, nuk është e qartë se si “partitë e reja” në gjithë këtë qytet, jo 13% por as 2.600 vota nuk i mbledhin dot dhe flasin për një fitore pa Sali Berishën!
Dhe në fund, derisa edhe Edi Rama krekoset se ka mbështetjen e qytetare rezulton se ai nuk e ka as mbështetjen e Partisë Socialiste, por, në këtë sistem zgjedhor ka edhe gurin edhe arrën; Dhe, pas zgjedhjeve të 9 Nëntorit, tashmë është e qartë pse Ramës nuk i duhet as edhe një Program për të fituar zgjedhjet!
Zgjedhjet e 9 Nëntorit treguan se Edi Rama me gjithë qeverinë në veprim dhe patronazhistët në krye të detyrës, nuk arrinë të gëzoj mbështetjen as të 12.54% qytetarëve të Vlorës.
Sot Edi Rama me partitë e reja mund të vazhdojnë me propagandën e tyre komuniste por vetëm para dy viteve pjesëmarrja ishte 24.7% dhe për dy vjet e braktisën 10% e qytetarëve. Më 9 Nëntor Edi Rama pa votën AntiSali mori vetëm 15.672 vota ndërsa koalicionin PaSaliun me “kandidatin e pavarur” mori vetëm 2.333 vota, deri sa vetëm dy vjet më parë kandidati i Edi Ramës kishte 28.271 vota ndërsa kandidati i PD, Hysni Sharra puro i djathtë, 11.802 vota!
Dhe, nuk qëndron as justifikimi i Drejtuesit të PS për Qarkun Vlorë, Bledi Çuçi për pjesëmarrjen e ulët në këto zgjedhje, kur në vitin 2019 përballë kishte vetëm ajrin, kandidati i Edi Ram mori 29.729 vota, pra edhe më shumë se sa në fitoren historike të vitit 2023!
Në Berat, elektorasi socialiste ishte gjithashtu i qartë ku më 9 Nëntor pjesëmarrja ishte 19.98% për dallim nga viti 2023 ku pjesëmarrja ishte 34.87%! Dje kandidati i Edi Ramës mori 13.050 vota për dallim nga viti 2023 mori 16.604 vota, por, koalicionin PaSaliun me “kandidatin e pavarur” mori vetëm 2.607 vota për dallim nga viti 2023 ku kandidati i PD mori 10.412 vota!
Për Cërrikun, Matin dhe Tepelenën nuk ia vlenë as të analizohet rezultati përderisa aty vendos krimi i organizuar ndërsa edhe ai nuk i arriti planet dje as me pjesëmarrje: Cërrik 25.00% për dallim nga viti 2023 me 32.43%, në Mat 39.36% për dallim nga viti 2023 me 46.41%, dhe, Tepelenë me 34.63% për dallim nga viti 40.31%!
