PD-së ç’i panë sytë!
nga Agim Popoci
Pesë Puset e Korrupsionit që u hapën së fundi në Zyrën e Kryeministrit, Belinda Balluku, Tuneli i Llogarasë, Unaza e Madhe, AKSHI dhe Ergys Agasi, dëshmuan se Edi Rama mund të bashkëpunoj por jo edhe të menaxhoj dhe mbrojë krimin; Dhe, për këtë u pa qartë se nuk i mjaftojnë as mediat që vazhdojnë dhe helmojnë opinionin publik që nga dita kur ai u fut në politikë, as Gjykata Kushtetuese ndonëse ligjëroi qëndrimin në vendin e punës edhe të një hajduti si Erion Veliaj që u arrestua në Zyrën e tij, dhe as opozita të cilën e imagjinoi në kokën e tij!
Ndërkohë të hënën e 22 Dhjetorit, Partisë Demokratike i panë sytë para Pesë Puseve të Korrupsionit, përveç bindjes që kishte ndërsa ishte tronditur nga propaganda komuniste që nuk pushonte, unitetin e palëkundur të demokratëve në luftën kundër së keqes më të madhe që ka kapluar kombin shqiptar, Edi Rama, dhe, fundin e padiskutueshëm të tij së bashku me hyzmeqarët që i fronëzoi si opozitarë!
Tek Pesë Puset e Korrupsionit, PD-së i panë sytë një lum me njerëz të cilën nuk kishte digë ta ndaloj, as me analistë e policë, taksidarë e mercenarë, dhe, ndryshe nga sa u tha në kazanët e Edi Ramës si një protestë si të gjitha të tjerat, nuk ishte e tillë!
Demokratët erdhën, dëgjuan dhe nuk u shpërndanë “si zakonisht” sapo fjalën e përmbylli lideri i opozitës, por, qëndruan aty, të gatshëm për ti shkuar kësaj beteje deri në fund, jo se e kishin ngatërruar zonën e jetës kulturore të shqiptarëve të Janinës, Pesë Puset, me Pesë Puset e Krimit dhe Korrupsionit të Edi Ramës!
Pikërisht në këtë moment, PD-së i panë sytë vendosmërinë e demokratëve se Edi Rama duhet të largohet me çdo çmim, dhe vazhduan protestën para institucioneve të krimit duke lënë takimin e radhës para Parlamentit të Shqipërisë, që pritet të përmbyllet në folenë e krimit në Surrel!
Por, PD-së i panë sytë edhe mungesa e opozitarëve në detyrë, Adriatik Lapaj dhe Agron Shehaj, pra, dështimi i Edi Ramës për të përcaktuar se kush do të jetë opozitë e kush jo, edhe pse plëngprishësin e hoqi nga linja e prodhimit duke e bërë Avokat të Popullit, që sot hapën dhe një kapitull të ri në jetën politike shqiptare!
Pasi përcaktoi se kush mund të mbjellë drogë në tokën shqiptare e kush jo, kush mund të vjedhë e kush jo, kush mund të vras e kush jo, kush mund të jetë policë e kush jo, kush mund të jetë në SPAK e kush jo, dhe së fundi kush mund të arrestohet e kush jo, Edi Rama ndërmori një hap të vështirë në një vend kaotik pas gjithë këtij ristrukturimi shoqëror, për të vendosur se kush do të jetë më 11 Maj opozitë e kush jo!
Përçarja e opozitës, vjedhja dhe blerja e votës i mundësuan Edi Ramës mandatin e katërt qeverisës, por, jo dhe ndaljen e hovit revolucionar të krimit të organizuar dhe korrupsionit që binte ndeshë me planet e tij për formësimin e opozitës!
Hapja e Pesë Puseve të Korrupsionit dhe publikimi i dosjeve të këtyre puseve ndryshoi rrjedhën e ngjarjeve në skenën opozitare ku ishte krijuar ideja e rënies së një depresioni të thellë, ndërkohë Edi Rama nuk kishte një plan të dytë, përveç atij të Sigurimit të Shtetit që nga rënia e bustit të kriminelit Enver Hoxha, që e sajuan vetë dhe tashmë e besojnë, se Sali Berisha shkoi dhe e përvetësoi Lëvizjen Studentore dhe Partinë Demokratike, pasi u krijua!
Pasi Saliu paralajmëroi protesta, Edi Rama urdhëroi zarat e vetë që të vendosin shishen e qumështit para Kryeministrisë, në mënyrë që ta përvetësojnë edhe protestën opozitare nëse dështojnë me parashikimin se “askush nuk del më në protesta me Saliun”!
Platforma Parlamentare e PD me qindra ithtarë që filluan të mblidhen çdo të hënë e bindi Edi Ramën dhe impiantin e tij propagandistik se kishin të drejtë, dhe se Saliun nuk e do më njeri pas katër mandateve të fituara të PS, dhe hodhi plehrat e tij nëpër media për të promovuar lëvizjen e re të pakënaqurve në Partinë Demokratike me në krye deputetin e Gridës, Ervin Salianji!
Ndonëse llumi i Llullit dhe Sigurimit e luajtën mirë aktin e parë të kësaj Drame Shqiptare me mbushjen e sallave, analistët e banalizuan duke promovuar Salianjin si një lider i cili mbledhë njerëz më shumë se sa Saliu; Dhe, futën kasetën e impiantit propagandistik të Edi Ramës në kokë se ky deputetë që sakrifikoi për PD edhe burgun paska dal fitues në zgjedhjet e Korçës dhe Kavajës!
Për elektoratin komunist kjo edhe ngjiti, por jo edhe për demokratët që e dinë mirë se Salianji fitoi në Korçë ku nuk ishte drejtues politik, dhe fitoi në Kavajë ku ishte drejtues politik, dhe i lanë atij vetë ta zgjedhë cilin fitore e dëshiron dhe jo atë që proklamojnë mediat injorante të Edi Ramës, që nuk pushonin duke gumëzhitur liderin e ri në ardhje, të Vjollcës, Gridës dhe Irfanit!
Ashtu dhe përfundoi, Doktor Alimehmeti e braktisi ndërsa ai vazhdoi ahengun si në rastin e garës për Kryetar të Forumit Rinor, kur ai festonte, por për përfituar fitoi ai të cilin e kishte përcaktuar Kryetari i PD!
Me një shishe qumështi të thyer, Protesta Kombëtare e PD po afrohej me dy opozitarët e Edi Ramës që fillojnë dhe protestojnë jo kur shpërthen skandali, por, kur këtë e mendon Kryeministri Rama!
Shumë leksione demokracie ka dhënë Adritaik Lapaj por deri më sot nuk e ka kuptuar njeri se si mund të shpallet Zv/Kryeministrja Balluku e pandehur nga SPAK më 20 nëntor dhe Tiku “të shëprthej” në protesta më 8 Dhjetor! Dhe, atë, menjëherë pas foltores së PD!
Pse ndezi kështu Tik Lapaj, mund të mos e kuptojnë ata 64 mijë votuesit që i besuan votën, por jo Edi Rama që prodhoi këtë shifër ashtu si edhe Tikun, si Dëshmitar të Përvetësimit të protestës opozitare!
Ndryshe nga Protesta e Armëve Kimike që inskenoi Edi Rama, karremi Tiku mbeti karrem i vetvetes sepse këtë idiotizëm opozitarë nuk e mbështetën as 64 komunistë të papërmirësueshëm me mashtrimet e tyre, pavarësisht se mbushin faqet e para të gazetave dhe bezdisin shikuesin në orën e pikut në media!
Kush e paguan këtë luks mediatik të Tikut që të ulet në karrige për t’ja futur Saliut, u pa nga përgjimet e publikuara të Belinda Ballukut me kriminelët e tij, ndërkohë sa kushtojnë këto çaste deliri opozitar në media më së miri e dinë xhepat e homologut të tij, Agron Shehaj!
Ndërsa motorinoja opozitare e Agron Shehajt rezultoi edhe më e lodhur ndonëse i takojnë së njëjtës ideologji me Edi Ramën, atë që lideri i tyre shpirtëror u ka thënë me kohë, Eurokomunizmi është Antikomunizëm!
Pesë Puset e Korrupsionit që u hapën në Kryeministri mund të mos mbajnë erë për shqisat e Agron Shehajt, por, si biznesmen që është dhe e ka idenë se si fitohet lekë dhe si paguhet taksa, xhepat i flasin; Pastaj roli që luajti në parlament kundër Belinda Ballukut logjikisht duhet ta kishte një vazhdim dhe jo të asfiksohet në Komisionin e Mandateve dhe Imuniteteve!
Apo, kush e do në këtë tokë vazhdimin nga ky soj, kur duhet shtrirë Pashain për toke!
Që Zenel Çelo nuk bënë më Horë Vranishti, këtë tashmë nuk mund ta thotë askush pas protestës së 22 Dhjetorit, madje as opozitari më i kamur i Tikut dhe Gonit që e braktisën me urdhër të Edi Ramës!
Kush do të kujdeset për fatin e Pashait tonë të zi?!
Përgjigja jo rastësisht buron pikërisht nga Protesta Kombëtare e 22 Dhjetorit:
PD-së ç’i panë sytë, te Pesë Puset e Korrupsionit!
