Diasporë me nda nuk kemi!
nga Agim Popoci
Ditët e para të këtij viti në Kosovë askush nuk i priste me një reflektim të analistëve të devollëve, batonëve dhe buzhalëve që kontaminuan për pesë vite hapësirën shqiptare, meqë sërish në zgjedhjet parlamentare fitoi Lëviza Vetëvendosje, por, askush nuk priste që ky llum kombëtar të ketë vra aq shumë mendjen për humbjen e opozitës dhe të vijë në përfundimin se shkaktari kryesor i humbjes së PDK, LDK dhe AAK-së është, Diaspora!
Dhe, sa kalonin minutat dhe orët e para të vitit të ri 2026, votat e Albin Kurtit me Lëvizjen Vetëvendosje shtoheshin ndërsa numëroheshin votat jashtë shtetit të zgjedhjeve parlamentare të 28 dhjetorit, po aq shtohej pezmi, fyerjet dhe përbuzja ndaj Diasporës nga ky llum analitik ndonëse ishte e qartë edhe para ditës së votimit se LVV do dali fituese!
Synimi për largimin e Albin Kurtit nga politika nuk e pengoi këtë kastë mediatike që në luftën e saj të mos kursej Kosovën nga bllokimi, madje dhe me çmimin e kthimit të Veriut në duart e Serbisë, dhe, në vend që të përmbyll këtë cikël të fushatës së pamëshirshme AntiAlbin me një analizë pse humbi opozita, kaluan edhe kufirin e të paimagjinueshmes me akuzat ndaj oksigjenit të shtetit të Kosovës, Diasporës!
Në krye të herës duhet thënë se përveç fitores historike të Albin Kurtit me Lëvizjen Vetëvendosje me mbi 50% të votave, epilogu i këtyre i zgjedhjeve ishte i shëndetshëm për të tri partitë kryesore opozitare!
Paradoksalisht, Lidhja Demokratike e Kosovës edhe pse arriti të marrë vetëm 123.334 vota ose 13.33%, ishte fituesja më e madhe e këtyre zgjedhjeve!
Me dy krimba që po e gërryenin ngadalë por thellë, gjithë filozofinë rugoviste, LDK më në fund e kuptoi se paret e Devollëve edhe mund të vazhdoj ti marrë por jo dhe të drejtohet nga Lumir Abdixhiku dhe Hykmete Bajrami ndonëse gëzojnë mbështetjen mediatike të analistave të batonëve e buzhalëve!
Sot elektorati i kësaj partie nuk pyet më pse lideri i tyre Lumiri promovon Rugovizmin me liderin komunist shqiptar Edi Rama, kur sheh se familjet që pësuan për mbrojtjen e kësaj filozofie, si Fetah Rudi ose Elmire Nikçi marin vetëm 8.160 përkatësisht 3.975 vota, sepse, thjeshtë, Lumir Abdixhiku nuk e kupton këtë filozofi politike dhe si i tillë, duhet të ikë dhe të mos kthehet më kurrë!
Pse LDK humbi thellë edhe në komunat ku vetëm dy muaj më parë fitoi në zgjedhjet lokale, kjo do të jetë një analizë që duhet ta bëjë lidershipi i ri pa Lumirin dhe pa Hykmeten, dhe normalisht pa batonë e buzhalë nëpër këmbë!
Partia Demokratike e Kosovës ishte shumë e vonuar të shohë rezultate konkrete me kryetarin e ri pas zgjedhjeve lokale, por PDK konfirmoi se është një parti e qëndrueshme e cila me prurjet e reja që duhet të vijojnë, do të kthehet aty ku e ka vendin!
Për arritjen e këtij suksesi, PDK-së padyshim i duhet të çarmatoset edhe nga mbështetja e batonëve dhe buzhalëve, duke e projektuar veten aty ku ishte në vitin 2007 dhe gjithë këtë kastë mediatike e kishte kundër, madje akuzohej si parti kriminale po nga ky llum mediatik!
Rezultatin e zgjedhjeve të 28 dhjetorit PDK duhet ta shikoj me llupë, dhe, të ndjekë shembujt e promovimit të njerëzve të ri si Arian Tahiri e Përparim Gruda, ku do të gjejnë dhe arsyen pse për Uran Ismailin nuk duhet shpenzuar energji pa fund!
Dhe, në fund Aleanca për Ardhmërinë e Kosovës! Hedhja e idesë për zgjerimin e AAK-së jashtë Rrafshit të Dukagjinit nuk ishte një ide që nuk duhej të hidhej në tregun politik të Kosovës, por, zgjedhjet e 28 dhjetorit treguan se për një hap të tillë, kësaj partie i duhen struktura të mirëfillta politike dhe jo struktura që funksionojnë vetëm për shkak drejtimit nga lideri, Ramush Haradinaj; Ndryshe AAK rrezikon të shuhet me largimin e liderit, pra, për shkak të mosfunksionimit të strukturave dhe jo elektoratit!
Dhe jo vetëm kaq! Për vazhdimin e një politike të shëndetshme shtetformuese, PDK, LDK dhe AAK e kanë të domosdoshme ti vënë frenat të gjithë atyre që i mbështesin, që të mos i bashkohen luftës që kanë hapur analistët e batonëve dhe buzhalëve me Disaporën.
Jo duke shpërfillur votat që Diaspora i dha Lëvizjes Vetëvendosje, 13.899 ose 86.74% në Përfaqësi Diplomatike, dhe, 19.344 vota ose 72.20% Me Postë, por duke përfillur rolin që kishte Diaspora si në ngritjen dhe fuqizimin e këtyre partive, ashtu dhe shtetit të Kosovës!
Ndonëse batonë e buzhalë mund ta harrojnë madje për këtë edhe paguhen, por LDK nuk duhet të harrojë se Diaspora e Kosovës përveç se lindi si rezultat i emigrimit për shkak të persekutimit, luftës, urisë ose dhe sëmundjeve, ishte model që po me këtë Lidhje Demokratike përmes kontributit 3% organizoi dhe mbajti për më shumë se një dekadë sistemin model paralel ndaj atijë të pushtuesit serb, të Diplomacisë, Arsimit, Shëndetësisë dhe Sportit, duke u ndjekur këmba këmbës nga UDB-ja kriminale e Serbisë!
LDK nuk duhet të harrojë arritjet e mëdha me 3% dhe akuzat kryesore për këtë fond që kurrë nuk i kanë ardhur nga Diaspora si investitori kryesor, por pikërisht nga këta batonë e buzhalë, akuza që i përdorën sa herë që e gjykuan se lidershipi i kësaj partie po i dilte nga rreshti!
Gjithashtu, LDK duhet ta gjejë arsyen jo për mllefin e vrerin për një djalë të ri nga mërgata që mori vota, nga vet mërgata, për të cilin fliste Lumi Abdixhiku dhe akuzonte Diasporën, por, për 12 mijë votat e këtij të riu, Hysen Çekaj, që mori në zgjedhjet parlamentare të 9 Shkurtit 2025, ku janë këto vota dhe pse sot LDK merr në Përfaqësitë Diplomatike dhe Me Postë, gjithsej 3.482 vota!
Në fund, fotografitë e liderit historik Ibrahim Rugova me Papa Gjon Palin II dhe Presidentin amerikan Bill Clinton, që janë në shtëpinë e kësaj partie pjesë e krenarisë së historisë së LDK-së, nuk duhet harruar se janë takime ashtu si dhe takimet me liderët tjerë botërorë, që u realizuan falë lobimeve që u financuan pikërisht nga kjo Diasporë!
PDK dhe AAK kanë shumë rrëfime nga e kaluara me LPK-në dhe ndoshta ishte pjesa më e vështirë e jetës dhe mbijetesës së tyre me grupet e tyre ilegale të luftuara gjithmonë nga UDB-ja, por, gjithçka ndryshoj kur UÇK doli në publik dhe i gjithë kontributi për luftë u përqendrua në duart e njerëzve që do të themelojnë Partinë Demokratike të Kosovës, përkatësisht Aleancën për Ardhmërinë e Kosovës!
Gjatë këtyre ditëve kur po vendosej fati i Kosovës, Vendlindja Thërret nuk ishte një fjalë goje, as një fond për të cilin kishin merita njerëzit e caktuar, por ishte një thirrje të cilës ju përgjigj e gjithë Diaspora, pa u kursyer!
Deri në ditën e çlirimit, si PDK ashtu dhe AAK nuk duhet ta harrojnë kurrë rolin dhe sakrificën e Diasporës, duke mos harruar, gjithashtu, kurrë, se akuzat kundër njerëzve që menaxhuan këto kontribute kryesisht për armatim, nuk kanë ardhur nga Diaspora, por, nga batonë e batonë e buzhalë që i krijuan hapësirë mediatike të gjithë atyre që mund të tundnin qoftë edhe një letër në emër të një kontributi të dhënë!
Sot, PDK si partia e vetme institucionale që u dëshmua në vepër gjatë vitit 2025, përveç se duhet ta çmoj faktin se Diaspora vetëm në vitin 2024 kishte remitanca 1 miliard e 350 milionë euro ndërsa buxheti i pagave të Kosovës ishte 850 milionë euro, nuk duhet ta harroj edhe përvojën e saj personale të hidhur me analistët e batonëve e buzhalëve që sot akuzojnë Diasporën se i dhuroi fitoren Lëvizjen Vetëvendosje!
Në vitin 2007, PDK dhe lideri i saj Hashim Thaçi nuk kishin akses në asnjë medie edhe pse ishte partia kryesore opozitare, madje në RTK-në shtetërore ishin të ndaluar plotësisht! Pse me ardhjen në pushtet e morën në gji pikërisht këtë llum mediatik, kjo është çështje që duhet ta analizoj lidershipi aktual, por, sot është e qartë se njëra ndër arsyet kryesore pse PDK fitoi në vitin 2007, ishte se ky llum ishte kundërshtari kryesor i Partisë Demokratike të Kosovës!
Kështu, duke ruajtur me fanatizëm respektin, sot e mot, për këtë pjesë të kombit tonë që la vendin e lindjes, duke u larguar dhe jetuar jashtë shtetit që e krijuam me shumë sakrifica e dhimbje pa fund, Diasporën, me perifrazimin e të madhit Ali Podrimja, ka dhe një përgjigje të vetme për këtë llum analitik të devollëve, batonëve dhe buzhalëve, që vazhdon e përbuzë, dhe, e akuzon në këto ditë të para të vitit 2026:
Diasporë me nda nuk kemi, hasmi në pidh t’samës!
