Mos u dorëzo Venezuelë!
Ndonëse ka kaluar më shumë se gjysmë shekulli dhe Shqipëria është anëtare e NATO-s, ashtu siç vepruan me Vietnamin, shqiptarët shpërthyen në mbështetje të pushtetit në Caracas dhe kundër Amerikës, pasi Shtetet e Bashkuara vajtën dhe arrestuan diktatorin venezuelian, Nicolás Maduro.
Histeria shqiptare për shkeljen e të Drejtës Ndërkombëtare është një çështje që duhet të trajtohet nga psikologët, përderisa e drejta e tyre shkelet çdo ditë në Shqipëri nga Edi Rama, si për ujë, bukë, pronë, punë e deri për të jetuar dhe për të sjellë dikë në jetë, dhe nuk sheh njeri të shqetësuar për shkeljen e këtyre të drejtave!
Por, për fat të keq, kjo histeri vazhdon edhe kur ka kaluar një javë nga sulmi, kur Maduro u shfaq edhe para një gjykate amerikane ndërsa pasardhësja e tij Delcy Rodríguez filloi negociatat me Presidentin amerikan Donald Trump për të ardhmen e Venezuelës, dhe, shqiptarët nuk po qetësohen dot, si për të Drejtën Ndërkombëtare ashtu dhe Imperializmin Amerikan, për të cilin, ashtu sikur se në fundvitet ’60 të shekullit të kaluar, janë të bindur se ai do të mposhtet!
Jo rastësisht, sërish ashtu siç vazhdojnë të mendojnë Rusia dhe Kina!
Tashmë është e qartë se shqiptarëve me gjithë përjekjet serioze të Edi Ramës për t’ju bërë jetën ferr ashtu si krimineli Enver Hoxha, po ju mungon edhe Xhaxhi Enver dhe talenti i ca sejmenëve të tij si Dritëro Agolli, Xhevahir Spahiu e Fatos Arapi, që ta bëjnë copash Presidentin amerikan Donald Trump, dhe, pavarësisht se nuk ndalojnë në rrjetet sociale dhe mediat kombëtare që vazhdon dhe i kontrollon Sigurimi i Shtetit, sot e ndjejnë edhe mungesën e solidaritetit dhe mitingjeve politike kur gërthisnin me shumë dashuri: “Mos u dorezo Vietnam”!
Dhe jo vetëm kaq!
Ishte kohë kur me kriminelin Enver Hoxha në krye, me Dritëro Agollin, edhe i gjakosur, Vietnami qëndronte në këmbë.
“Nga balta dhe gjaku ngrihet njeriu,
dhe pushka bëhet shpresë,” ishte morali i Dritëroit me mesazhin inkurajues:
“Qëndro, Vietnam,
se bota të sheh.”
Loti-lot, trimëria-trimëri, ndërsa Fatos Arapi i përshkruante këtij populli spiun të Enver Hoxhës, se si po zhvillohet lufta në Vietnam:
“Një nënë mban në krahë fëmijën
dhe qielli bie mbi ta,
por ajo nuk ul sytë.”
Po ku ka më mirë se Shqipëria revolucionare në krye të frontit anti-imperialist, si atëherë me kriminelin Enver Hoxha pa bukë që ia qanë hallin botës ashtu dhe sot me Edi Ramën, që nuk as një metër tub për tu furnizuar me ujë dhe ia thotë këngës “Tubi në Stamboll, syri në Venezuelë”, vetëm e vetëm për një pikë ujë zotëri edhe pas pesë ditë të tëra mjerimi me ëndrra për ujë!
Dhe, ku ka më mirë, kur edhe në krye të kësaj Shqipërie pa bukë e pa ujë kanë Edi Ramën që ndonëse nuk ka Dritëro Agollin, Xhevahir Spahiun, Fatos Arapin etj. përrallat i ka gati si me të Drejtën Ndëkombëtare kundër Presidentit Donald Trump, ashtu dhe të Drejtën Vendore për lirinë e Zv/Kryeministres së pandehur për vjedhje Belinda Balluku dhe Kryebashkiakut hajdut të Tiranës Erion Velia, që përmbyllen me lotë në sy me parrullën revolucionare: “Venezuelë, emër i bukur si liria”!
Për të gjithë ata që nuk e kanë jetuar këtë ëndërr dhe vazhdojnë të mos e kuptojnë gëzimin që shqiptarët patën kur Edi Rama e zhduku nga faqja e dheut marijuanën në Lazarat dhe e mbjelli në gjithë Shqipërinë, shkatërroi Portin e Durrësit me thellësinë që e kishte falë Zoti dhe e zhvendosi në rërë për hir të mikut arab të vëllait Aleksandar Vuçiç, se realizoi rilindjen urbane dhe përmbyti qytetet më të bukura të Shqipërisë, dhe, premtoi Shëndetësi falas dhe sot vetëm Vdekja është falas, më kuptimplotë bëhet oferta turistike e Kryeministrit Rama me Shqipërinë që sot nuk po e duron dot Amerikën, dhe, do ti tregoj vendin duke e siguruar Venezuelën se nuk është vetëm:
“Nga Tirana deri në Caracas”!
Natyrisht, Delcy Rodríguez, e cila mori detyrën si presidente pas arrestimit të Nicolás Maduros nuk ka se si e kupton këtë delirant e sa për popullin që ai drejton as nuk do t’ja dijë, deri sa Edi Rama merr botën në sy për një metër tub dhe është i njohur si njëri ndër furnizuesit më të mëdhenjë të kokainës në botë duke cenuar edhe Venezuelën, siç tha Maduro, Rodríguez është në hall se si të vë në jetë industrinë e naftës ndërsa shkencëtarët flasin për vendin me rezervat më të mëdha të naftës në botë, dhe, nga ana tjetër, populli venezuelianë nuk ka as bukë!
Kjo është dhe arsyeja që Delcy Rodríguez kërkon bashkëpunim dhe jo luftë me Amerikën, marrëveshje dhe jo konflikt me Donald Trump, investim prej 100 miliardësh nga Amerika, dhe, jo propagandë komuniste me të cilën kjo rracë kontaminoi gjithë botën, e cila as sot e kësaj dite nuk po e merr dot veten dhe llumi vazhdon:
Imperializmi amerikan do të mposhtet! Mos u dorëzo Venezuelë!
