Vuçiç: Të zgjedhim momentin dhe lëvizjen e duhur…

Presidenti I Serbisë Aleksandër Vuçiç i kushtoi një konferencë të jashtëzakonshme për media situatës në Kosovë ku ishte më i qartë se kurrë për të gjithë ata serbë që mendojnë se mund të ndërmarrin veprime të njëanshme, dhe vazhdojnë të flasin për shpallje të autonomisë në Kosovë.

Edhe me këtë rast akuzoi ndërkombëtarët në veçanti Bashkimin Evropian, që sipas tij toleron Kosovën, e në veçanti veprimet e saj në lidhje me Asociacionin e komunave me shumicë serbe për çfarë është zotuar edhe në Bruksel.

“Për fat të keq, shqiptarët me një pëlqim të heshtur ose pa një kundërshtim të qartë nga BE-ja, nuk përmbushën detyrimin e vetëm , që është krijimi i Asociacionit,” tha Vuçiq por paralajmëroi serbët që mendojnë se mund ta shpallin Autonominë për këtë dhe arsye të ngjashme:

“Serbia e bën të vetën por është një rrezik nga aksionet e njëanshme të Kosovës, në mënyrë që të ketë zgjidhje përfundimtare në veri të Kosovës pasi mund të hyjë në veri dhe të marrë objektet vitale. Prandaj, këshilla dhe politika e Serbisë është që të punojmë shumë dhe të ndjekim ngjarjet, që të zgjedhim momentin që përputhet me interesat tona, pra nuk mund të garantojmë ruajtjen e paqes, stabilitetit e të mos rrezikojmë sigurinë e popullit tonë.”

Si president, ai tha se është i qartë dhe se zgjidhja për Kosovën është e domosdoshme për serbët për disa arsye:

“Së pari ne kemi nevojë për paqe midis serbëve dhe shqiptarëve, duke krijuar siguri për qytetarët tanë dhe që ata të zgjedhin më të mirën e tyre.

Nën dy, duhet të kënaqemi plotësisht me faktorët ekonomik në vend, të cilat mundohen të qëndrojnë në duart e këmbët e veta.

Nën tre, do të korrigjonim numrin e investimeve të huaja dhe imazhi i Serbisë do të ishte shumë më i mirë.

Ekziston edhe një çështje e demografisë. Nëse nuk e zgjidhim çështjen e Kosovës, do të kemi një milion njerëz më pak në 2050 sesa nëse nuk do të zgjedhim këtë. Është optimizmi i kombit, besimi në të ardhmen,” tha Vuçiç.

Sipas tij pak njerëz në Serbi duan një zgjidhje kompromisi por duke përfunduar Aleksandar Vuçiç rikujtoi se nuk ka fitore në këtë biznes.

“Për disa ne jemi tradhtarë dhe disa të tjerë pohojnë se ne kemi një strategji të luftës. Nuk ka fitore në këtë biznes, por ka një të ardhme, nëse nuk mund ta bëjmë atë  të gjithë të tjerët të cilët janë të përzier në mënyrë të ndryshme duhet të pyeten, se a kemi më pak interes ne apo shqiptarët. Ne duhet të flasim për këtë, por nuk po i lutemi sa kinezëve as amerikanëve.”