Moskë, paradë në Sheshin e Kuq, vetëm Netanyahu dhe Vuçiç i bashkohen Putinit

Në Sheshin e Kuq në Moskë u mbajtë parada ushtarake me rastin e, siç thuhet, 73-vjetorit të fitores së aleatëve mbi Gjermaninë naziste. Në këtë paradë tradicionale, këtë vit parakaluan13.000 njerëz, 159 pajisje ushtarake dhe 75 avionë.

Në fillim të paradës, ministri rus i Mbrojtjes, Sergei Shoigu raportoi para Presidentit të Rusisë se gjithçka është gati për të filluar, dhe më pas fjalën e mori Vladimir Putin, i cili duke i uruar 9 Majin qytetarëve prezent, e nga liderët botëror ishin vetëm kryeministri i Izraelit, Benjamin Netanyahu dhe Presidenti i Serbisë, Aleksandar Vuçiç, kujtoi fitoren “triumfale” të ushtrisë sovjetike në luftën e II-të Botërore.

“Borxhi jonë është që të ruajmë kujtimet për guximin e ushtarëve që kanë dhënë jetën. Gjithmonë do të jemi krenar që Bashkimi Sovjetik nuk u përkul para armikut mizor,” tha Putin duke shtuar: “Populli ynë luftoj deri në vdekje!”

Pasoi një minutë heshtje dhe parakalimi i njësiteve të ushtrisë ruse.

Filloi me tankun T 34-85 me të cilin ushtria sovjetike u fut në Berlin për të vazhduar me tankun robot “Uran 9”, pastruesin robot të minave “Uran 6” dhe për herë të parë në paradë u prezantua mjeti tranpsortues AM-1, i dizajnuar për këmbësori dhe njësite speciale, thekson BBC.

Në paradë u prezantua edhe droni “Korsar” me rreze veprimi 160 kilometra dhe autonomi fluturimi deri në 10 orë, në lartësi deri në 6.000 metra.

Parakaluan edhe helikopterët, avionët sulmues dhe ata transportues. Transportuesi i raketave Tu-160, Tu-95MC, bombarduesi Tu-22M3, avio-tankeri Il-78, avioni transportues ushtarak Il-76MD, avionët Su-35, Su-30 CM, MIG 29, MIG 31BM, Su-34, Su-24M dhe Su-25. Me këtë rast u prezantua edhe avioni sulmues i gjeneratës së pestë, krenaria e forcave ajrore ruse “Suhoj 57” i njohur si T-50,i cili u përdor edhe në Rusi.