MPJ lejon Gjuriçin të qëndrojë nesër në Kosovë

Marko Gjuriç do ta vizitojë nesër Kosovën.

Jetlir Zyberaj, Këshilltari i ministrit të Jashtëm, Behgjet Pacolli, tha se drejtori i Zyrës për Kosovën pranë Qeverisë Serbisë, Marko Gjuriç të mërkurën do të qëndrojë në Kosovë. Zyberaj, për RFE, tha shkurt se Marko Gjuriç ka kërkuar leje dhe këtë e ka marrë nga shteti i Kosovës.

“Marko Gjuriç ka marrë leje për të hyrë në Kosovë. Ai i ka plotësuar të gjithë kriteret dhe ne i kemi dhënë leje për të hyrë në Kosovë”, tha Zyberaj.

Gjuriç kishte hyrë ilegalisht në territorin e Kosovës më 26 mars të këtij viti, duke mos respektuar institucionet e Kosovës.

Ai ishte arrestuar nga Policia e Kosovës dhe më pas ishte dërguar në Serbi.