Librazhd-Pogradec, shembet edhe bypassi, vetëm Edi Rama ka ngelur pa u shembur

Segmenti rrugor Librazhd-Pgradec që pritej të hapej sot në mesditë si përmes një bypassi që u sajua për qarkullimin e mjeteve tek Arrat e Gurrës, në fshatin Dragostunjë të Librazhdit, sot ka pësuar një goditje të rëndë.

Mësohet se rruga dytësore, e cila ishte hapur për të mundësuar kalimin provizor të mjeteve, ka pësuar një fundosje dhe rrëshqitje shkatërrimtare të një sipërfaqeje të madhe toke. Lëvizja masive e dheut ka dëmtuar seriozisht punën e kryer ditët e fundit, duke e bërë të pakalueshëm për një kohë të gjatë këtë segment strategjik rrugor.

Ndërkohë janë hequr edhe makinat e firmës pasi ekziston frika e fundosjes së mëtejshme dhe është ndaluar edhe qarkullimi i këmbësorëve.

Ndërkohë që pritet një rivlerësim urgjent i kushteve gjeologjike dhe ndërhyrjes, specialistët paralajmërojnë se terreni në këtë zonë mbetet tepër i paqëndrueshëm dhe çdo ndërhyrje teknike e konsiderojnë me rrezik të lartë.

Ndryshe, bllokimi i këtij segmenti rrugor përveç se ka krijuar probleme serioze në lëvizjen e njerëzve në gjithë juglindjen e vendit, ka prek dhe pikat e rëndësishme kufitare me Greqinë dhe Maqedoninë e Veriut, me të cilat ka një aktivitet të ndjeshëm tregtar, i cili në vitin 2025 ishte rreth 1.2 miliardë euro. .

Kështu, nga të gjitha rrugët që ka ndërtuar Qeveria e Edi Ramës, të gjitha janë dëmtuar ose janë edhe jashtë funksionit, dhe është i vetmi Kryeministri Rama i cili ka mbetur pa u shembur ndonëse aktualisht është jashtë funskionit.