Shpëtoni Hajduten Bela!
nga Agim Popoci
Drama që po ndodhë me shtetin shqiptarë dhe kaosin në të cilin jetojnë qytetarët e saj të heshtur, pa dëshirën për ta parë në sy realitetin, është e vështirë ta kupton një njeri normal madje ta bëjë edhe film një gjeni si Steven Spielberg, por, talljen me këtë popull me tru gazetash dhe shpirtra televizivë, Edi Rama ashtu siç e menaxhoi me batonë e buzhalë e përmbylli së fundi jo me zhbllokimin e Juglindjes së vendit, por, me urdhrin e prerë për hyzmeqarët e tij në Këshillin për Rregulloren, Mandatet dhe Imunitetin: Shpëtoni Hajduten Bela!
Nga ky moment, askush më nuk e kishte mendjen te korrupsioni i rrugëve të ndërtuara që po shemben njëra pas tjetrës, që u shemb edhe bypassi i sapo ndërtuar për të zgjidhur lëvizjen dhe komunikimin e Juglindjes me pjesën tjetër të vendit, pasi që hyzmeqarët e Mbretit të Krimit, edhe pse prokurorët e SPAK shpalosën në Këshill dëshmi mbi vjedhjen, intimidimin e dëshmitarëve dhe shkatërrimin e provave të Zv/Kryeministres dhe Ministres së Insfrastrukturës, Belinda Balluku, u shprehën qartë se ata do ta mbrojnë me zell imunitetin e Hajdutes Bela, dhe, nuk do të lejojnë arrestimin e saj!
Ashtu siç urdhëroi Presidenti Ambraham Lincoln shpëtimin e ushtarit Niland pasi u zbulua se i kishin vdekur pesë vëllezërit në Luftën Civile Amerikane, dhe, u bë frymëzim për Spielbergun për filmin “Shpëtoni ushtarin Rayan” ku Gjenerali George C. Marshall do kërkoj shpëtimin e ushtarit James Francis Ryan pasi u kuptua se tre vëllezërit e tij ishin vrarë brenda pak ditësh, ashtu u bë frymëzim edhe për Edi Ramën të shpëtoj Hajduten Bela që e kishte aktivizuar edhe si stratege për blerjen e votave, pasi tre ish-strategët e këtij krimi elektoral, Ilir Beqja, Saimir Tahiri dhe Erion Veliaj, përfunduan në pranga!
Pra, arrestimi i Hajdutes Bela nuk është thjeshtë arrestimi i një ministreje apo krahu të djathtë, por, nënkupton Partinë Socialiste pa vota të vjedhura dhe të blera, dhe, përfundimisht, PS-në dhe Mbretin e Krimit pa pushtet!
Vetëm këtë nuk e lejon Edi Rama ndërkohë arroganca e tij me pushtetin nuk buron nga as nga filmat dhe as nga historitë amerikane sepse është rritur në një ambient familjar kriminal ku nuk ka pyetur kush për njeriun ndërsa ajri, uji, buka dhe gjella, ishte një dhe i vetëm, Enver Hoxha!
Madje, sot, i rritur në një ambient të kontaminuar komunist, edhe Taulantit i ka ra për hise të tallet me shqiptarët dhe numrin e tyre të vogël që protestojnë dhe nuk pranojnë përdhunimin e Edi Ramës!
E Edi Rama si kalorës mbi trupat e shqiptarëve, vazhdon rrugën e tij kriminale aty ku nuk la më as bukë, as ujë, as ajr, as rrugë, as trashëgimi, por, vetëm patronazhistë të etur për spiunim, që relaksohen në përdhosjen e çdo vlere familjare që kujtohet Mbreti i tyre i Krimit!
Kështu, nga trau në Rrugën e Kombit deri tek bllokimi i rrugës Librazhd-Pogradec me shembjen e rrugës tek Arrat e Gurrës, Edi Ramën dhe shqiptarët nuk i ndanë një det i tërë, por, një mal me vjedhje që prodhoi vetëm vuajtje, varfëri dhe emigrim!
Sot nuk pyet njeri se ku janë ata qytetarë që i ngriti Edi Rama kundër armëve kimike që ishin nisur drejt tokës shqiptare, dhe sot heshtin kur me muaj të tërë në Portin e Durrësit nuk janë nisur por po qëndrojnë me lejen e shtetit, mbetje toksike me rrezikshmëri shumë të lartë!
Sot nuk shqetësohet njeri pse u zhdukën gjithë ata të merakosur me Edi Ramën për rrugët që mbetën rrugëve, kur rrugët e shtetit të këtij mashtruesi ordiner po treten në lum, dhe, nuk i sheh më njeri as në rrugë!
Sot kanë mbyllur sytë, veshët dhe gojën edhe qelbësirat që u bashkuan në protestë kundër Saliut sepse nuk kishin lirinë e shprehjes, ndonëse në shtetin e Edi Ramës liria e shprehjes është një luks i reduktuar vetëm në ca baton e buzhalë!
Sot amerikanët e flaktë të Edi Ramës që tundnin flamurin me nongratën e Saliut, tallnin FBI-në me Michel McGonigalin dhe Sekretarin e Shtetit Blinken me Sorosin, janë zhdukur nga faqja e dheut me zbulimin e përgjimeve të Ambasadës së Amerikës, pasi foli Batoni për kabllogramet!
Sot, kundërshtarët e fortë të nivelit të Arsimit të Saliut nuk flasin më edhe pse janë po ata profesor që drejtojnë auditoret dhe niveli sipas PISA-s është shumë më i keq se në Palestinë! Madje, heshtin edhe pas sarkazmës së Edi Ramës me Polin e Dijes nga helikopteri, poshtë të cilit qëndronte pika që mbylli gjithë Juglindjen e vendit, Arrat e Gurrës, ndërsa ai ishte nisur drejt Korçës aty ku është dhe Shtëpia e Alfabetit!
Sot, heshtin edhe ata që deri në vitin 2013 shqetësoheshin për familjen dhe sot për shkak të korrupsionit në Qeverinë Rama ajo është shpërbërë fare, pa cilësi dhe pa disiplinë. Ndërkohë, Edi Rama, që frikën vazhdon ta ketë zët, nxjerrë Batonin të tallet edhe me bukën e gjermanit!
Shumë prej shqiptarëve mund të jenë habitur me këtë shaka, kur ajo nuk bëhet që nga viti 1979 kur u shfaq “Në shtëpinë tonë”, por, ku ka shtëpi kjo bandë kriminale që korrupsionin e saj e arsyeton me faktin se Gjermania na qenka vendi më i korruptuar në Evropë; Kur e thotë Batoni nuk është shaka, normalisht, as akuzë, e vërtetë jo se jo, por, një haber për njerëzit me tru gazetash dhe shpirtra televizivë, se kështu mendon Mbreti i tyre i Krimit, Edi Rama!
Pse kjo situatë, pse kjo fatkeqësi ka pllakosur Shqipërinë, përgjigjen e jep më mirë se askush tjetër, Charles Bukowski, në përshkrimin e realitetit të frikshëm që filloi të krijohet:
“Eci nëpër dhomat e të vdekurve, rrugët e të vdekurve, qytetet e të vdekurve: njerëz pa sy, njerëz pa zëra; njerëz me ndjenja të fabrikuara dhe reagime standarde; njerëz me tru gazetash, shpirtra televizivë dhe ideale të shkollës së mesme.”
