“Qeveria i raporton Grupit”, kjo nuk është tallje e Edi Ramës, por krizë mendore!
“Në një bisedë para disa ditësh me shokët e grupit u bëra përgjegjës për reformën në drejtësi, duke më thënë se jam unë fajtori kryesor që kjo reformë ka prodhuar efekte të dëmshme anësore,” tha Edi Rama në fund të fjalës së tij prej 1 ore e 45 minuta duke krijuar idenë se sa i hapur është sa të guximshëm i ka deputetët në Grupin Parlamentar të Partisë Socialiste ndonëse u pa qartë në rastin e Vlorës kur mbeti pa ujë që deputetët e zonës humbën nga faqja e dheut, ndërsa me bllokimin e aksit Librazhd-Pogradec ku mbeti 1/3 e vendit pa bukë e pa ujë, dhe jo deputetë socialist por as një qytetar i vetëm nuk mori guximin që t’i kërkoj llogari kësaj qeverie të degraduar, për të cilën ai dhe u tall duke thënë se po raporton para Grupit.
Kështu në rrëfimin e tij para Grupit, sepse Raportim i Qeverisë nuk mund të jetë përderisa Edi Rama është Kryeministër, dhe nga pastruesja e deri te Presidenti i Republikës, Bajram Begaj, askush nuk ka as të drejtën e të menduarit dhe jo të drejtën për të folur, ndërsa shqiptarët ishin në pritje të vendimit për kërkesën e SPAK lidhur me imunitetin e Belinda Ballukut ai filloi të flas për situatën komplekse në të cilën ndodhet vendi.
“Sot jemi në këtë mbledhje të posaçme të fund muajit ku këtë radhë qeveria që do të raportojë para grupit dhe duke qenë se temat e posaçme që lidhen me çdo sektor do të trajtohen nga ministrat përkatës, unë dëshiroj të ndaj këtu me ju duke përfituar dhe nga prania e publikut dhe zgjedhësve tanë përmes mediave, opinionin që kam krijuar lidhur me situatën komplekse ku ndodhemi, jo thjeshtë ne si mazhorancë pro si vend. Pas një fitoreje historike në mbledhje, pas çeljes të gjithë kapitujve në një kohë rekord, si edhe pas zhvillimeve që lidhen sa me ecurinë dhe me fatin e reformës historike në drejtësi, edhe me rrugën e rritjes ekonomike dhe qedrueshmërisë politike.
Unë besoj që duhet të shohim bashkë se jemi në një udhëkryq të ri. Ndërkohë që ekonomia vijon të ecë me ritmet e parashikuara, projektet në zhvillim, hartim e sipër apo plan për t’u zhvilluar në këtë mandat, udhëkryqi ku ndodhemi sot paraqet disa rreziqe që kërkojnë një adresim të vendosur dhe disiplinë nga ana jonë, flas për deputetë e ministrat.
Ndryshe Shqipëria rrezikon të mbesë në vend numëro duke humbur mundësitë më të mëdha që ka pasur për t’u ngjitur aty ku e kërkon amaneti i Skënderbeut dhe Ismail Qemalit. Sipas Ramës duke humbur kohën më të çmuar për t’u ngjitur dhe ecur drejt rrugës europiane, Shqipëria rrezikon të mbetet në vend numëro”, tha Edi Rama dhe filloi të marrë me radhë të gjithë ata që janë fajtorë për situatën e krijuar nga Sali standard e deri tek SPAK-u ndonëse e krijoi vetë, por, sot zunë vend në kritikat e tij edhe ata që i krijoi vetë për ta luftar Saliun, Agroni dhe Qori.
“Shikojini vetë rreth e rrotull që nga hunjtë e vjetër dhe të thyer që ju shkoni e hyni në zyrat e Kuvendi ti takoni përditë korridoreve, te filizat e rinj dhe të shtrembër që i keni nga ana tjetër e bulevardit poshtë dritares tonë, deri tek ballisti Agron dhe komunisti Arlind që i mbajnë sytë të gjithë nga stacioni i trenit duke pritur që SPAK-u ti hapë rrugën njërit për kotecin e pulave qyl dhe tjetrit për kasollen me yll.
Nuk ta relativizoj problematikën e mprehtë, shumë të mprehtë të efekteve anësorë të reformës në drejtësi, por dua të sigurohem që të gjithë ne këto do ta mbajmë shumë fort parasysh beben, përpara se të derdhim ujin e pistë dhe do ta derdhim.”
Dhe, ashtu siç e nisi ashtu dhe e mbaroi duke u tallur me ata që kishte mbledhur në Pallatin e Brigadave, dhe të gjithë ata që ishin në pritje të vendimit për imunitetin e Belinda Ballukut ai me seriozistet tha se fillimisht duhet të përballet me dy raportet e dala nga Këshilli i Mandateve.
Po, po, të aij Këshilli ku Opozita u shpreh qartë se duhet t’i jepet autorizimi SPAK-ut për arrestimin e Zv/Kryeministres dhe Ministres së Infrastrukutrës, Belinda Balluku, dhe Taulanti ishte më i qartë se çdo ditë tjetër, se nuk ka se pse i giqet imuniteti kur pezullimi nga detyra mjafton për ta hetuar. Gjithsesi, mbreti i tij u shpreh:
“Nuk do të merrem me procesin që ka nisur në Parlament, pasi po pres raportin e Këshillit të Mandateve para se të them temën për imunitetin. Dua të ndaj diçka me ju që e kam thënë: Belinda Balluku ma ka dorëzuar dorëheqjen 3 herë. Qysh në mbrëmjen e ditës kur iu ngrit akuza, jo për korrupsion. Është interesante që ndodh që ‘tenxheret bëjnë llogaritë’ për ato vepra – akuza nuk është për korrupsion, s’ka! Por është për pabarazi në tendera. Pastaj më nisi sërish me shkrim dorëheqjen kur u bë pezullimi, dhe më pas edhe një herë të tretë kur nuk u mor vendimi i Gjykatës Kushtetuese. Unë e hodha poshtë kategorikisht idenë e dorëheqjes.
Pse vlen të përsëritet dhe pse dua ta ndaj publikisht? Sepse kam bindjen se në këtë fazë revolucionare të jetës institucionale të vendit, kur ndryshojmë nga vendet me drejtësi dhe institucione të konsoliduara, nuk mund të udhëhiqemi nga dorëheqjet automatike,” tha Kryeministri Edi Rama para Grupit Parlamentar të PS, duke përfunduar:
“E di edhe teorinë partiake të dorëheqjes morale, e cila nuk praktikohet edhe në Evropë njësoj. Sot në Shqipëri, sidomos përmes SPAK, ka filluar të bëhet shërbim i pamohueshëm, por po bëhet dhe dëm mbi administratën, duke shkelur parimin e pafajësisë. Është kollaj të thuash se në Gjermani një ministër i akuzuar jep dorëheqjen, por kjo nuk ndodh në Itali apo në Francë gjithmonë.”
Në fund, nëse dikush e sheh Presidentin e Republikës, Bajram Begaj, i thuani se turp mund të ketë, por, 1/3 e Shqipërisë është e bllokuar që 6 ditë, çmimet po rriten ndërsa ekonomia është pranë kolapsit total!
