Irani: Goditën poligonin tonë bërthamor! IAEA: Nuk kemi asnjë dëshmi!
Poligoni i madh i testimit bërthamor në Natanz të Iranit u godit dje gjatë operacioneve ushtarake amerikane dhe izraelite kundër Republikës Islamike, tha sot Ambasadori i Iranit në organizatën për mbikëqyrje bërthamore pranë OKB-së.
“Dje ata sulmuan përsëri objektet bërthamore paqësore dhe të mbrojtura të Iranit,” tha Reza Najafi para gazetarëve në një takim të bordit drejtues prej 35 vendesh të Agjencisë Ndërkombëtare të Energjisë Bërthamore, IAEA.
Kur u pyet nga Agjencia e lajmeve Reuters se cilat objekte u prekën, ai u përgjigj: “Natanz.”
SHBA-të dhe Izraeli sulmuan objektet bërthamore të Iranit në muajin qershor.
SHBA-të po kërkojnë që Teherani të heqë dorë nga pasurimi i uraniumit në tokën e tij, pasi e sheh atë si një rrugë drejt zhvillimit të armëve bërthamore të Iranit.
IAEA i ka kërkuar Iranit prej muajsh ta informojë atë për atë që ndodhi me rezervat e Iranit prej 440 kilogramësh uranium të pasuruar pas sulmeve izraelito-amerikane në qershor dhe të lejojë rifillimin e inspektimeve të plota, duke përfshirë tre objekte kryesore të bombarduara qershorin e kaluar: Natanz, Fordou dhe Isfahna.
IAEA: Nuk kemi asnjë dëshmi se ndonjë strukturë është prekur
Agjencia Ndërkombëtare e Energjisë Bërthamore, IAEA, deri më tani nuk ka asnjë dëshmi se sulmet SHBA-Izrael kanë goditur objektet bërthamore të Iranit, tha Drejtori kryesor i Agjencisë, Rafael Grossi.
“Nuk kemi asnjë tregues se ndonjë objekt bërthamor është dëmtuar ose prekur,” tha Rafael Grossi në një fjalim para Bordit Drejtues prej 35 vendesh të IAEA-s duke shtuar se përpjekjet për të vendosur kontakt me autoritetet rregullatore bërthamore të Iranit po vazhdojnë, por pa sukses.
“Përpjekjet për të kontaktuar autoritetet rregullatore bërthamore të Iranit janë duke vazhduar, por deri më tani nuk ka pasur asnjë përgjigje. Shpresojmë që ky kanal komunikimi shumë i nevojshëm të rivendoset sa më shpejt të jetë e mundur.”
Duke hapur seancën e jashtëzakonshme të Komitetit Drejtues për Iranin në selinë e Agjencisë në Vjenë, Drejtori Rafael Grossi vlerësoi se situata në Lindjen e Mesme është shumë shqetësuese dhe bëri thirrje për përmbajtje ekstreme pas sulmeve SHBA-Izrael ndaj Iranit dhe sulmeve të tij hakmarrëse me raketa ndërsa përfundoi”
“U bëj thirrje përsëri të gjitha palëve të tregojnë përmbajtje maksimale për të shmangur përshkallëzimin e mëtejshëm!”
