Korrupsioni i rilindur, Kadiu nuk lejon arrestimin: E falënderoj Ballukun për punën e bërë!
Njeriu që tha se e bëri Reformën në Drejtësi, SPAK dhe GJKKO, Edi Rama, sot u shfaq në pamjen e tij më të shëmtuar se kurrë më parë, vetë Ali dhe vetë Kadi, duke na prezantuar të pandehurën Belinda Balluku, si qelibaren e kësaj qeverie hajdutësh që për 13 vjet dëshmuan se dinë të bëjnë vetëm një gjë, të vjedhin: E falënderoj Ballukun për punën e bërë!
Dhe jo vetëm kaq!
Sot, Edi Rama shkoi edhe më larg, jo vetëm që nuk i dha SPAK-ut autorizimin për arrestimin e Belinda Ballukut, por e akuzoi opozitën se e do Belindën në burg pa gjyq, si gjyshin e vet, duke harruar se Barba Pilo dhe ai krimineli tjetër me gjakun e të cilit ruan Vilën e diktatorit Enver Hoxha, Hysni Kapo i bënë varrin Beqir Ballukut! Por, siç duket ata ishin kriminel por me namuz, jo si kjo racë e klonuar që e do Belën në burg por nuk ja thotë dot në sy, si Hysniu që i tha Beqirit:
“Thuaje copë, shoku Beqir, pse nuk ke besim në udhëheqjen e Partisë dhe në vijën e saj?” tha Hysni Kapo, dhe koincidencë ose jo edhe Beqiri si Belinda kishte dhënë dy herë dorëheqje:
“Dy herë Beqiri më ka thënë mua për dorëheqjen e tij si ministër i Mbrojtjes, unë jam habitur, prandaj e kam këshilluar të shkojë e të bisedojë vetë me shokun Enver, dhe menjëherë e vura në dijeni shokun Enver. Këtu Beqiri ngriti çështjen se «tani ka kuadro të tjerë», por kjo s’është arsye. Në fakt ai ka arsye të tjera, diçka zien brenda në ndërgjegjen e tij.”
Por, kujt i hyn kjo në punë, Opozita e poshtër!
Madje, Edi Rama nuk ndaloi duke shkuar larg e më larg me shokut e tij hajdutë, dhe pas gjithë këtij dëmi që i bëri vendit i thotë vetit edhe shqiptar!
“Sot jemi këtu që të shpallim publikisht qëndrimin tonë lidhur me kërkesën e SPAK për kufizimin e lirisë së Belinda Ballukut. Ndaj saj nuk ka një akuzë për vjedhje, korrupsion apo ndonjë vepër penale të kryer në flagrancë. Akuza mbështetet vetëm në dyshimin e arsyeshëm se në cilësinë e ish-ministres mund të ketë kryer veprën e mosbarazisë në tendera, bazuar në mesazhe të gjetura gjashtë vite më pas në celularin e një drejtori. Një gjë e tillë nuk ka ndodhur kurrë,” deklaroi Rama.
Kryeministri nënvizoi se vendimi i PS-së reflekton seriozitetin e trajtimit të çështjes dhe ndarjen e qartë të politikës nga drejtësia, duke ruajtur parimet demokratike të procedurave parlamentare.
Raporti i PS-së, i prezantuar nga Ulsi Manja, konkludon se nuk ka elemente të mjaftueshme për të zëvendësuar masën aktuale të sigurisë – ndalimin e daljes jashtë vendit – me një masë më të rëndë, si arresti në burg apo në shtëpi, sipas parashikimeve ligjore.
Ky qëndrim vjen pas debatit të gjatë parlamentar mbi kërkesën e SPAK, duke vënë në fokus respektimin e procedurave ligjore dhe shmangien e politizimit të vendimeve,” thotë Ali dhe Kadiu i këtij vendit, ku fajet i ka vetëm Saliu, edhe kur partia e këtyre kriminelëve nuk lanë gjë pa bërë për 13 vjet!
“Duan Ballukun në burg edhe pa u hapur dera e gjyqit, dua t’u bëj një pyetje, ku dallojmë ne shqiptarët e sotëm pavarësisht bindjeve e simpatie tona njerëzore e politike nga ata që dje e deshën me doemos të pushkatuar gjyshin e saj.
Pasi ua bëri fillimisht gjyqin në media dhe I dënoi në emër të popullit pa u dhënë të drejtën të mbrohen në sytë e popullit. Kjo nuk është një pyetje që e bëj sot për të mbrojtur Ballukun, sepse nuk jam avokati I askujt përballë një akuze të ngritur nga prokuroria, por për të mbrojtur të vërtetën e madhe të drejtësisë sepse jam kryeministër i këtij vendi. E vërteta e madhe quhet prezumimi i pafajësisë, si parakusht absolut i çdo hetimi dhe procesi dhe si vijë e prerë ndarëse mes drejtësisë dhe arbitraritetit,” tha Edi Rama pasi e lodhi miletin për tre muaj me përgjimet që i publikonin në media duke u munduar të shpëlaj dhe emërtimin që Belinda Balluku i kishte dhënë në komunikim me ata që ka vjedhë, Pallosh!
“Thëniet e një të pandehuri merren me rezervë. Po e zë se e pandehura thotë: Balluku më ka lidhur pas karriges personalisht më ka vënë në fyt një thikë që kishte edhe disa pika gjaku të tharë dhe më tha do të vras nëse nuk thua kështu.
A ka njeri të më tregojë si vihet në Kuvend me një muhabet telefoni pa asnjë kryqëzim dëshmish apo verifikim si, kur dhe ku ndodhi kjo, sado në mënyrë të tmerrshme të paraqitet ajo në një bisedë telefonike,” vazhdon Edi Rama duke mbrojtur Belinda Ballukun, që të mbroj veten, duke i bërë të qartë SPAK-ut se nën petkun e pushtetit jo vetëm celularin që nuk ja marrin, por as nuk e arrestojnë dot!
Në fund, pas rreth 1 orë e 30 minutave fjalim pa përmbajtje, Kryeministrit Edi Rama para Grupit Parlamentar të PS, tha për Belinda Ballukun atë që çdo hjadut i rilindjes e thotë para SPAK-ut kur do të arrestohet se është edhe prind i vetëm i një vajze të vogël, thuase ia ka ndalu njeri ta mendoj këtë fakt në momentin kur ka vjedhë paratë publike:
“E falënderoj Ballukun për punën e bërë dhe i uroj fatin që meriton në betejën e saj ligjore, ku do të ketë në krahë vetëm avokatët e saj. I kërkoj ndjesë për refuzimin e tre dorëheqjeve!”
