Rrjeti i Grave proteston/ Vëllai i Valbonës: Shteti ka neglizhuar çështjen e motrës time

Pas vrasjes së gruas dhe vajzës në Brekoc, në Gjakovë u zhvillua protesta e organizuar nga Rrjeti i Grave e cila kryesohej nga familja e të ndjerës, Valbona Marku.

Marshi ka nisur nga parku i qytetit në drejtim të Çarshisë së Vjetër në Gjakovë. Me brohoritjet ‘Edhe sa thirrje të humbura’, ‘Nuk ka paqe pa drejtësi’, ‘Dorëheqje kush e garanton drejtësinë’, ‘Jepni llogari’, ‘Duam siguri’, ‘Boll jetima kem prej luftës’ është thënë nga protestuesit..

Vëllau i gruas së vrarë Valbona Marku,  Shkelzen Marku tha shteti i ka neglizhuar dhe nuk është marr me ta ndërsa paralajmëroi se do të vazhdojnë të kërkojnë drejtësi për motrën dhe mbesën e tyre.

“Nëse shteti i Kosovës nuk vepron asgjë, atëherë drejtësi do kërkojmë edhe në shtetin e Shqipërisë!”

Në protestë morrën pjesë edhe ish presidentja Atifete Jahjaga, si dhe deputete të Parlamentit të Ksoovës.

Ndërkohë në Prishtinë Policia dhe prokuroria në një konferencë për media theksuan se viktima Valbona Marku nuk ka dashur mbrojtjen e Policisë edhe pse ishte kërcënaur nga burri i saj Pjetër Nrecaj.

Ndryshe, Valbona Marku dhe  vajza e saj 9 vjeçare është vrarë  më 7 gusht në shtëpinë e babait të saj në Brekoc të Gjakovës nga Pjetër Nrecaj i cili tashmë gjendet në paraburgim.