Kaos në Kosovë! Opozita nuk e do Presidentin, Pushteti nuk e do Kushtetutën!

Refuzimi i ofertës së liderit të Lëvizjes Vetëvendosje, Albin Kurti, për zgjedhjen e Presidentit nga Partia Demokratike e Kosovës dhe Lidhja Demokratike e Kosovës nuk u prit me qetësi nga Kryeministri, por kaloi në ekstremin tjetër, demonstrimin e një pronësie mbi Parlamentin edhe pse nuk e ka, ku mund ta shkelë edhe Kushtetutën!

Kështu, një vit turpi politik që krijoi një kaos që pavarësisht se as nuk e pranon Vetëvendosje dhe Albin Kurti e zgjidhi vetëm Presidentja e Kosovës, Vjosa Osmani, sepse edhe sot shqiptarët kishin ngelur duke shikuar se si po zvarritet propozimi për zgjedhjen e Albulena Haxhiut, Kryetare e Parlamentit!

Por, Vjosa Osmani prishi edhe festat e fundvitit duke i shndërruar në ankth zgjedhor dhe Albin Kurti mori fitoren e dytë përmes datës së dekretuar nga Presidnetja Osmani, por, sot, shihet se Kryeministri Kurti nuk ka reflektuar tashmë me sytë e pushtuar nga terri i pushtetit!

Opozita nuk e do zgjedhjen e Presidentit duke kalkuluar për zgjedhje të ardhshme, histori kjo që nuk ka lidhje me demokracinë, por, Partia në Pushtet, duke harruar kalkulimet nga zgjedhja e fundit për President ku as Vetëvendosje dhe as Albin Kurti nuk kanë kurrfarë merite, por vetëm Lumir Abdixhiku që mundësoi zgjedhjen e Vjosa Osmanit, sot, situata po përsëritet!

Jo në pak shtete, zgjedhja e Presidentit, pa ndonjë kompetencë thelbësore por me simbolikë shtetërore, bëhet përmes 2/3 e votave në Parlament, për të amortizuar tensionin politik në mes të Pushtetit dhe Opozitës!

Favorizimi i Vjosa Osmani nga ndërkombëtarët në kohën kur Albin Kurti po luftonte për sovranitetin dhe po kundërshtonte ca këshilla të tyre, në sy të shqiptarëve faktorizoi Vjosa Osmanin por asnjë kompetencë nga Kushtetuta e Kosovës nuk është shkelur, gjë të cilën asnjëri nga Lëvizja Vetëvendosje nuk diti ta artikuloi duke përfshirë këtu Albin Kurtin!

Por, jo vetëm Sovjetët e duan gjithë Pushtetin; Apo, duke folur në realitetin shqiptar, jo vetëm i çmenduri Edi Rama i don të gjitha pushtetet!

Pas refuzimit të ofertës së Albin Kurtit nga Opozita për propozimin e tre emrave për President, njërin prej të cilëve do ta votonte Vetëvendosje, shqiptarët panë tmerr me sy; Tmerr i prodhuar nga shumica që po qeverisë Kosovën!

Përkundër Vendimit të Gjykatës Kushtetuese shumë kohë më parë e cila përcakton që raundi i parë të quhet i ezauruar duhet të jenë prezent në sallë të paktën 2/3 e deputetëve dhe nuk ka rëndësi se si votojnë, Partia në Pushtet e nisi seancën për zgjedhjen e Presidentit me 64 deputetë nga 120 sa ka Parlamenti, edhe pse Opozita ishte deklaruar se nuk do të marrë pjesë, duke demonstruar një forcë që nuk ja njeh as Kushtetuta dhe as Kanuni, por, vetëm, Psikiatria!

Në fund, u tha se në mungesë të kuorumit, ku kandidatja Feride Rushiti mori 63 vota ndërsa kandidatja tjetër, Hatixhe Hoxha, nuk arriti të sigurojë asnjë votë, dhe një votë rezultoi e pavlefshme, sot do të vazhdoj seanca në orën 10:00.

Ato çfarë tha Kryetarja e Grupit Parlamentar të Lëvizjes Vetëvendosje, Arbërie Nagavci, nuk kanë fare rëndësi sepse nuk duhet të dalin nga goja e një njeriu normal, por, të parëndësishme janë edhe ato që deklaruan Kryetari i LDK, Lumir Abdixhiku, dhe, ai i PDK, Bedri Hamza; Sepse, sot, pak rëndësi ka se ajo që ndodhi mbrëmë është “rast i pa precedent, jodemokratik dhe antikushtetues” siç thotë Abdixhiku apo “puç kushtetues” siç thotë Hamza, por, e rëndësishme dhe urgjente është që Albin Kurti si Kryeministër i Kosovës ta ndaloj këtu çmenduri politike që e lejoi me dorën e vetë dhe krijoi kaos, sikur ta ketë menduar ta shtyjë datën e zgjedhjeve për shkak të Diasporës, duke e futur këtë proces drejt konstestimeve në Gjykatën Kushtetuese!

Sot, Albin Kurti duhet ti kthehet urgjentisht qeverisjes së shtetit, kushtetuetshmërisë dhe vijimit normal të një procesi i cili që nga çlirimi është zgjidhur me ndërhyrjen ndërkombëtare, me përjashtim të 5 viteve më parë që e zgjidhi vetë e zoja e punës, Vjosa Osmani, nga i cili proces rezulton se Albin Kurti nuk ka mësuar asgjë!

Për fat të keq, as ABC-në e demokracisë: Kompromisin!