Sali Berisha, beteja e fundit e Sigurimit të Shtetit!
nga Agim Popoci
Zgjedhjet e radhës në Partinë Demokratik sërish po shoqërohen me trazimin e radhëve ndër demokratë, gjykime dhe paragjykime, rizgjedhje edhe të atyre që kanë humbur zgjedhjet parlamentare, dhe, çuditërisht, siç e do zakoni shqiptar, më e shqetësuar është Partia Socialiste përkatësisht Edi Rama me në krye Sigurimin e Shtetit: Pse nuk ka demokraci në PD?!
Demokratët edhe këtë radhë janë të dënuar të dëgjojnë gjithë llumin e Sigurimit të Shtetit edhe në ditën kur plasi në Partinë Socialiste me deklaratën publike të njërës prej figurave më të rëndësishme të PS, Ish-Kryetaren e Parlamentit dhe ish-ministren e Jashtme, Elisa Spiropali, sepse mediat kombëtare që ka nën kontroll Sigurimi, raportojnë se në PD ndodhi hataja, nuk ka zgjedhje demokratike për Kryetar! E dëshmitarët si zakonisht janë të shumtë, me salianjë e meremë, nga pashkot, meksat e deri te bashët, me gjithë lukuninë mediatike që e duan Saliun të vdekur, pasi nuk pritet asgjë më shumë se akuzuesit të bëhen të pasur ose më të pasur, për ti dhënë fund Saliut!
Situata edhe mund të konsiderohet e pashpresë! Sot, kur mund të konstatsohet se Sali Berisha i cili e kishte të vështirë ta zhdukte Sigurimin nga faqja e dheut, e ka fajin ekskluziv pse nuk ndërtoi një Parti Demokratike të strukturuar, gjithmonë të gatshme për të drejtuar shtetin duke vazhduar ringritjen e këtij kombi; Sot, kur Sali Berisha ka kaluar të 80-tat dhe në krah ka njerëz që kokë ulur rivotojnë edhe ata që korrën humbjen e 11 Majit dhe nuk kanë zë as dinjitet të përballen në garë për të parin e partisë!
Broçkullat tjera me të cilat po përmbytë Sigurimi i Shtetit mediat nuk janë shqetësim, por, shqetësim real janë duartrokitjet me të cilat po i pret Shqiptari i Ri të cilin e krijoi Sigurimi për 35 vjet, duke përfshirë së fundi edhe “Tironsin”, këtë ajkë kombëtare që i rezistoi për aq shumë vite këtij helmi që tronditi qenien shqiptare dhe nuk i gjeti njeri derman, Komunizmit!
Kur shqiptarëve iu tha se ra Komunizmi, mesazhi i parë që u përhap ndër viktimat e këtij tmerri ishte se nuk ka hakmarrje ndaj Sigurimit të Shtetit, që la pas gjithë atë vuajtje! Humane, në shikim të parë, ajo u pranua nga të gjithë duke u konsideruar si një e keqe globale me të cilën u përballën edhe shqiptarët, por për fat të keq u pranuan nga ana tjetër akuzat dhe përndjekja që i bëri ky Sigurim atë që e pagëzoi, Shiku i Saliut!
Shoqëria Shqiptare nuk reagoi por e mori si të mirëqenë si heshtjen ndaj krimeve 40 vjeçare të Sigurimit të Shtetit, ashtu dhe krimeve të Shikut të Saliut që propagandonte Sigurimi, i cili nuk ndaloi për asnjë ditë si përndjekjet ashtu dhe vrasjet, por, tani duke filluar me shantazhimet me dosje që kishte në pronësi dhe akuzën epike të krijuar nga ky impiant, Fajet i ka Saliu!
Krimi i Sigurimit shoqëruar me heshtjen e Shoqërisë Shqiptare që në sintoni gërthisnin, Fajet i ka Saliu, shkoi deri aty sa pinë edhe gjakun e Shiksave të Saliut dhe përmes propagandës mediatike kriminale arritën ta konsiderojnë edhe normalitet këtë akt çnjerëzor, ndonëse për dhjetëra mijëra të vrarë e qindra mijëra të internuar nuk pa njeri as të dënuar dhe as makabritete të ngjashme!
Madje kjo heshtje e Shoqërisë Shqiptare vijoi edhe kur këta gjakpirës të Shiksave të Saliut, u vunë në krye të piramidës së shtetit!
Dhe, fatkeqësisht, heshtja nuk u shua! Gjëma ndodhi në vitin e zi 1997 por që të gjithë e pranuan si normalitet pse drejtuesit e firmave piramdiale, “rastësisht”, ishin oficerë të Sigurimit të Shtetit!
Por, jo vetëm oficerë! Duke zgjedhur modelin më të pistë të Shoqërisë Shqiptare, Sigurimi i Shtetit shfaqi para miletit se kush janë ata që kanë para e pasuri, për të bërë pis të gjithë ata zengjinë që ishin plaçkitur nga kriminelët komunistë, duke filluar me krijimin e një hendeku në mes të pronarëve që i kishin plaçkitur dhe qytetarëve shqiptarë që kishin vetëm një figurë të zengjinit shqiptar, atij që me karroca, Enver krimineli me shokë i kishte marrë flori, dhe gjithë tokën që e kishte në pronësi!
Për njerëzit e vrarë në ’97 dhe paratë që premtoi Partia Socialiste se doi kthej popullit nuk u shqetësua njeri, ndërsa familjarët e viktimave e kishin të gatshme akuzën, “Fajin e ka Saliu”! Nga ana tjetër, Sigurimi i ulur këmbëkryq në Partinë Demokratike kishte filluar shkërmoqjen jo vetëm të kësaj partie, por, gjithë sistemit pluralist që ishte në hapat e tij të parë!
Për çfarë llumi komuniste kishin të bëjnë shqiptarët tregojnë historia me vrasjen e shekullit, simbolit demokracisë Azem Hajdari, për të cilën vrasje, akuzat kundër Sali Berishës u pa se ishin sajuar ende para vrasjes dhe vazhdojnë të shfaqen në media edhe sot, ndonëse vrasësi i Azemit vuan dënimin!
Për të bastarduar kundërshtarin e vetëm që kishte Sigurimi i Shtetit, Partinë Demokratike, Sigurimi i shkaktoi dhe goditjen e fortë me zgjedhjet e vitit 2001, duke u konsideruar çarja e madhe e PD me një PDr të Genc Polllos që u shit me mbështetje të madhe të ambasadave të huaja!
Ndoshta sot gjithëfarë halabaku nuk do të dilte të gërthiste para selisë së PD se do të kandidoj për Kryetar përballë Sali Berishës sikur Saliu të mos bënte asnjë hap mbrapa për këtë grup që braktisi radhët e Partisë Demokratike, u pasurua, qeverisi me qeverinë socialiste të Fatos Nano dhe u kthye si simbol bashkimi, por, që ishte një dorë e fortë që bëri gjithë këtë goditje sot e konfirmon fakti se eksponentë të kësaj lëvizje destruktive kurrë nuk janë akuzuar për këtë dëmtim të madh që i bënë PD-së por vetëm për gjëra banale që llupa e Sigurimit edhe sot e sheh dhe e nxjerr nga goja e analistëve në media!
Por, Shoqëria Shqiptare kishte rastin në vitin 2002 për të konfirmuar se me çfarë llumi komunist kemi të bëjmë, kur Sigurimi i dha goditjen e fundit Monarkisë!
Vdekjen e Mbretëreshës Geraldinë, njeriut që rriti më së shumti vlerat e kombit shqiptar në botë, komunistët shqiptarë në krye me llumin Fatos Nano, nuk e shoqëruan me një ceremoni mortore të organizuar nga shteti, por, mortin e shndërruan në turp shqiptar; Ndërsa Sigurimi i Shteti duke drejtuar turmën në ceremoninë mortore ia arriti qëllimin që të shfaq në sy të shqiptarëve edhe ata që historia e huaj edhe sot e njeh si shtetndërtues!
Por, shumë pak nga këto pësime u pa se kishte mësuar Sali Berisha kur mori pushtetin në vitin 2005, ku vendin më të madh e zunë ata që ndër dhëmbë quheshin “andartë” dhe në thelb ishin përçarësit e Partisë Demokratike, përkatësisht truri që bllokoi edhe drejtimin e Lulzim Bashës, dhe, sot, me jeniçerët e vetë po drejton fushatën kundër PD-së!
Të gjithë ata që e quanin veten pronarë dhe heshtën për 7 vjet u riaktivizuan me kërkesat e tyre ashtu si dhe të përndjekurit politik duke e konsideruar veten si fitues, por realisht fitues i këtij pushteti ose më mirë të thuhet fitues ekskluziv ishte Sali Berisha, i cili mbajti mbi supe gjithë këto sulme dhe arrestimin e famshëm nga Ilir Meta, nga tubimet me dhjetëra vetë deri në mbushjen e shesheve si në Tiranë ashtu dhe kryeqendrat botërore!
Gjithësesi, akuza “Fajet i ka Saliu” nuk pushoi as me vizitën historike të Presidentit amerikan George W. Bush kur deklaroi në Tiranë se ka ardhur koha që Kosova të shpallet e pavarur, bashkimin e shqiptarëve me Rrugën e Kombit, anëtarësimin në NATO dhe liberalizimin e vizave, projekte këto që u luftuan egërsisht nga Sigurimi i Shtetit ndonëse janë arritjet më të mëdha jo vetëm të qeverisjes demokratike, por, të këtij kombi, deri sa të ekzistoj!
Ajo që u konsiderua tranzicion nga njerëzit normal të këtij vendi pas 8 vjet të qeverisjes së PD, shumë shpejtë rezultoi se ishte një ripushtim komunist i cili u mundësua fal aleatit qeverisës të PD të Sali Berishës, LSI e Ilir Metës, ku Sigurimi do të nxjerr kokën jo vetëm në Qeverinë Socialiste por edhe në Partinë Demokratike kur drejtimin e mori Kryetari i ri, Zotni Lafsha!
Asgjë nga pritshmëritë e demokratëve nuk u realizua as pa Sali Berishën, madje e gjithë struktura drejtuese e Partisë Demokratike ishte e panjohur për partinë me të cilën shkatërroi dhe organin më të rëndësishëm që ishte krijuar ndër vite me fanatizëm, Forumin Rinor! Dhe, pavarësisht paaftësisë dhe zellit të Zotni Lafshës, PD u dëmtua në masën më të madhe nga heshtja, ndërsa pashkove, meksave, pollove etj. iu shtua një bashë që kaloi në shtresën e njerëzve të pasur që i shërbyen me devotshmëri shkatërrimit të Partisë Demokratike dhe festuan arrestimin e sërishëm të Saliut!
Kështu, vjen synimi i Sigurimit të Shtetit, akti final i shkatërrimit të Partisë Demokratike, me bashkimin e Rithemelimit me jeniçerët e Zotni Lafshës! Ata vërtetë nuk i duhen as atit, as birit e as shpirtit të shenjtë, ata vërtetë janë shkaktarët kryesor të humbjes së Partisë Demokratike në zgjedhjet e e11 Majit 2025, por Sigurimit të Shtetit nuk i dhanë kënaqësinë ta shkatërroj Sali Berishën duke e larguar me turp nga drejtimi i PD-së!
E përçarë, e pastrukturuar dhe me lidership që e adhuron heshtjen përballë liderit, Partia Demokratike pësoi humbje, ndërsa ato media dhe analistë që pandehur harruan edhe lobimin e Saliut me 6 milionë dollarë në Amerikë dhe mbrojtën qeverinë më hajdute në historinë e shtetit shqiptar me në krye Edi Ramën, sot, të pashqetësuar kanë urdhërin e radhës: Pse nuk ka demokraci në PD?!
Sot, kjo është e vërteta, fatkeqësisht në realitetin e krijuar edhe Shoqëria Shqiptare shqetësohet vetëm kur i thotë Partia Socialiste se duhet të shqetësohet, ndërsa ata që zgjedhin heshtjen duhet ta kenë të qartë se e kanë miratuar atë që po ndodhë në sytë e tyre, dhe, nuk mjafton të hapësh gojën vetëm kur t’ju lejohet të thonë: Fajet i ka Saliu!
Sot, Shoqëria Shqiptare nëse nuk shqetësohet, të paktën duhet ta kuptoje pse Sali Berisha është shqetësimi dhe beteja e fundit e Sigurimit të Shtetit, ndërsa njeriu që u krijua aty ku sundon ky Sigurim, vret dy fëmijë me makinë në Durrës, shkon dhe dorëzohet në Shtabin e Partisë Socialiste dhe jo në Policinë e Shtetit! Filozofi i njohur çek, Karel Čapek, e ka thënë shumë kohë më parë:
Lufta u shpik nga natyra, ndërsa urrejtja nga njeriu!
