Dita e pestë e Kupës së Botës: Katër përballje. Yamal gati për debutimin në garën më të madhe

Në ditën e pestë të Kupës së Botës 2026 ku janë parashikuar katër përballje, në orën 18:00 është përballja e parë në mes të kampionit aktual të Evropës, Spanjës dhe Kepit të Gjelbër.

Spanja si një nga favoritët më të mëdhenj në këtë kampionat nuk mendohet se në pengesën e parë do të ketë probleme, ndonëse trajneri Luis de la Fuente po përballet me disa lojtarë që janë duke u rikuperuar, dhe pritet që në fushë ai të nxjerrë në ekip të kombinuar.

Përballja më interesante e ditës padyshim që është ajo e Grupit G që zhvillohet në orën 21:000 në mes të Belgjikës dhe Egjiptit, ku priten disa gola. Të dyja skuadrat kanë mjaftueshëm cilësi në sulm për të shënuar gol, kështu që na pret një ndeshje jashtëzakonisht interesante.

Në mesnatë Uruguay do të përballet me Arabinë Saudite, ku padyshim Uruguay është favoriti për të kaluar Grupin H së bashku me Spanjën. Përzgjedhja, e udhëhequr nga stoli nga i famshmi Marcelo Bjelsa, pritet ta tregojë këtë që në fillim të turneut.

Lojtarët e vendit të goditur nga lufta, Iranit, në orën 03:00 të mengjesit do të përpiqen t’i japin kombit të tyre të paktën pak lumturi dhe kënaqësi përballë Zelandës së Re, e cila është një rivale e vështirë dhe tashmë ka pasur disa surpriza në këtë kampionat.