Qeveria Rama mbyll Bordin e Transparencës: Çmimet e bursës janë stabilizuar!

Qeveria e Edi Ramës ka vendosur sot që të mbyllë Bordin e Transparencës. Lajmin e bëri të ditur pas mbledhjes së Këshillit të Ministrave, ministrja e Ekonomisë, Delina Ibrahimaj, duke e arsyetuar me faktin se çmimet e karburanteve në bursë janë stabilizuar pas marrëveshjes mes SHBA dhe Iranit.

“Sot vendosëm të ndërpresim Bordin e Transparencës që prej disa muajsh është në funksion në zbatim të ligjit për hidrokarburet.

Kanë qenë disa muaj që ka pasur luhatje të çmimeve të karburanteve dhe prej më shumë se dy javësh çmimi ka ardhur duke u reduktuar. Çmimet e bursës janë stabilizuar, në kontekstin gjeopolitik është arritur një marrëveshje dhe kanali i Hormuzit do të zhbllokohet,” tha Delina Ibrahimaj duke përfunduar:

Situata në Lindjen e Mesme tashmë ka më pak paqartësira. Tregu i hidrokarbureve është stabilizuar dhe prandaj vendosëm të përfundojmë funksionimin e Bordit të karburanteve.“

Ndryshe, Qeveria Rama ka rikthyer Bordin e Transparencës 26 marsin e vitit 2026, në një moment kur çmimet e karburanteve ishin të larta në tregun shqiptar dhe shpesh në qendër të debatit publik, ndërsa qeveria u zotua se do të minimizoi ndikimin tek qytetarët. Në raport me Bursën nuk ia arrit këtij qëllimi me asnjë Vendim ndonëse edhe sot kur mbylli këtë Bord iu referua çmimit në Bursë.

Sipas Vendimit të fundit të Bordit të Transparencës i datës 17 qershor, nafta duhet të tregtohet me 176 lekë/litri ndërsa benzina me 166 lekë/litri.