Dy tërmete godasin ishullin grek të Kretës, evakuohen urgjentisht turistët

Ishulli grek i Kretës u godit nga dy tërmete të fuqishme me magnitudë 4.6 dhe 5.3 të shkallës Rihter. Qendra Mesdhetare Sizmologjike, EMSC, raporton se epiqendra u regjistrua për vetëm disa minuta sot rreth mesditës, në një thellësi prej 14 kilometrash nën shtratin e detit pranë ishullit Gavdos, në jug të Kretës.

Ndërkohë portali Cretalive, raporton se dridhjet u ndjenë në të gjithë ishullin, duke përfshirë qytetet e Rethymnos dhe Hanias. Policia greke aktualisht po patrullon, por deri më tani nuk ka raportime për dëme materiale.

Mediat greke raportojnë se turistët në zonë u evakuuan urgjentisht si masë paraprake dhe për shkak të rrezikut të rrëshqitjes së dheut.