Paga minimale rritet në 500 euro, Kurti: Përfitojnë rreth 150 mijë punëtorë

Kryeministri në detyrë i Kosovës, Albin Kurti, ka njoftuar se paga minimale është rritur në 500 euro!

Duke vlerësuar se kjo është një rritje e konsiderueshme krahasuar me vitet e kaluara, Albin Kurti tha se paga minimale kishte mbetur e pandryshuar për më shumë se 10 vjet, duke qenë 130 dhe 170 euro varësisht nga mosha, ndërsa gjatë qeverisjes së tij është rritur disa herë: fillimisht në 250 euro, pastaj në 350 euro, më pas në 425 euro dhe tani në 500 euro.

Nga kjo rritje, Kryeministri në detyrë i Kosovës, Albin Kurti, tha se do të përfitojnë rreth 150 mijë punëtorë të sektorit privat, ndërsa theksoi se qeveria do të vazhdojë të shoqërojë rritjen ekonomike me rritje të mirëqenies së qytetarëve.