Dita e 26-të e Kupës së Botës 2026, Portugali-Spanjë në qendër të vëmendjes
Sot në Ditën e 26-të të Kupës së Botës 2026, përballja e orës 21:00 do të tregoj se kush do ta ketë më të lehtë ta fitoi këtë Botëror pas humbjes së Gjermanisë dhe Brazilit, Portugalia apo Spanja. Ndërsa në orën 02:00 derisa vazhdon debati rreth skandalit të madh se kush i pezulloi kartonin e kuq sulmuesit amerikan Folarin Balogun, Presidenti i Shteteve të Bashkuara Trump apo Presidenti i FIFA Infantino, Belgjika do të përballet me SHBA duke llogaritur në armën e saj më të fortë, Kevin De Bruyne.
Derbi i Gadishullit Iberik midis Portugalisë dhe Spanjës vjen pas fitores jo aq bindëse të portugezëve kundër kroatëve me rezultat Kroacinë 2:1, dhe një ndeshje prej kamipioni të spanjollëve përballë austriakëve me rezultat 3:0. Edhe statistikat nga e kaluar favorizojnë Spanjën ku nga 41 përballje ajo kryeson me 17 fitore, ndërsa Portugalia ka triumfuar gjashtë herë, me plot 18 barazime. Gjashtë nga shtatë duelet e fundit përfunduan me barazim pas 90 minutash.
Ndërkohë motivimin më të madh nga të gjithë shokët e ekipit padyshim e ka njeriu për të cilin ky do të jetë dhe vallëzimi i fundit në spektaklin më të madh botëror, Cristiano Ronaldo, i cili deri më tani ka shënuar tre gola.
Ndërsa përballja pas mesnatës, mund të jetë përsëritje e ndeshjes së tyre të famshme nga Kupa e Botës 2014, kur belgët festuan pas kohës shtesë. Pas eliminimit të Kanadasë dhe Meksikës, organizatori i vetëm i mbetur i kampionatit ëndërron arritjen historike midis tetë ekipeve kombëtare më të mira në botë, arsye ndoshta që FIFA shkaktoi dhe gjithë atë skandal duke i falë sulmuesit amerikan Folarin Balogun, kartonin e merituar të kuq në ndeshjen kundër Bosnje Hercegovinës. Trump apo Infantino, pas rëndësi ka kush e fali, e rëndësishme është se, siç është shprehur UEFA, është kaluar vija e kuqe.
“Vendimi i djeshëm për pezullimin me kusht të zbatimit të dënimit automatik me një ndeshje të dhënë pas kartonit të kuq ndaj lojtarit Folarin Balogun për një periudhë njëvjeçare, kaloi vijën e kuqe. Futbolli, si çdo sport tjetër, bazohet në rregulla që janë baza e konkurrencës së drejtë, të ndershme dhe transparente,” ishte e prerë UEFA.
Sidoqoftë, Belgjika përballë SHBA do të mbështetet përsëri tek njëri prej krijuesve më të mirë në turne, Kevin De Bruyne. Pasimet e tij të sakta, pasqyrimi i lojës dhe gjuajtjet nga plani i dytë përfaqësojnë armën më të madhe të ekipit kombëtar belg, ndërsa pritet shumë nga pjesa sulmuese e ekipit si Doku, Trossard dhe Lukaku.
