Grekët në grevë, Kakavijë: Të hënën pezullohet lëvizja për 4 orë

Lëvizja në Pikën e Kalimit Kufitar Kakavijë do të ndërpritet përkohësisht ditën e hënë, 27 korrik 2026, për shkak të një greve të punonjësve të palës greke, bënë të ditur Dega Doganore Kakavijë.

Sipas njoftimit të autoriteteve doganore greke, nga ora 07:00 deri në 11:00 do të pezullohet procesimi doganor dhe kalimi i automjeteve në hyrje dhe dalje nga pika kufitare.

Gjatë këtij intervali, të gjitha automjetet do të kenë të bllokuar lëvizjen për shkak të ndërprerjes së shërbimeve nga pala greke.

Dogana Shqiptare u bën thirrje qytetarëve dhe bizneseve që planifikojnë të udhëtojnë drejt Greqisë që të shmangin përdorimin e Pikës së Kalimit Kufitar Kakavijë prej 07:00–11:00 të së hënës së 27 Korrikut.

Autoritetet këshillojnë udhëtarët të planifikojnë lëvizjet e tyre jashtë këtij intervali për të shmangur vonesat dhe pritjet në kufi.