Rama sulmon deputetët holandezë/  Na kanë nxjerrë ujin e zi….

Kryeministri Edi Rama në Ditën e Europës, deklaroi se Shqipëria është në pritje të hapjes së negociatave. Por në fjalën e tij, Rama nuk ka lënë pa ironizuar deputetët holandezë që erdhën në Shqipëri në një mision faktmbledhës në kuadër të skepticizmit për çeljen e negociatave të vendit tonë me BE.

“Më vjen për të qeshur kur vijnë delagacione për të mbledhur fakte, më takojnë mua, ca deputetë dhe mikun tim të shtrenjtë me të cilin na bashkon në rrugë të ndryshme dashuria për Hollandën, Lulzim Bashën dhe largohen dhe mbledhin fakte.

Cfarë lloj faktesh mund të mblidhen në gjysmë dite, ndërkohë që KE është një ushtri ekspertësh dhe burokratësh të panumërt të hane fakte, pinë fakte dhe dëgjojnë vetëm fakte”, theksoi Rama.

Ndërsa  falënderoi të gjithë ata që kanë dhënë mbështetjen e tyre,  Rama theksoi se BE e KE na kanë nxjerrë ujin e zi me 5 prioritetet.

“Nuk jemi në sinkron, sot kur ne jemi te dera, pas derës jo të gjithë janë aq entuziastë dhe optimistë sa ishin për të ardhmen e asaj shtëpie.

Na kujtojnë hijen e humnerës, ndërkohë që të shumtit janë ende në përpjekje për ta bërë realitet duke e përmbyllur projektin më vizionar dhe më të jashtëzakonshëm që njerëzit kanë mundur të cojnë para që është BE. Nëse do të përpiqeshim të gjenim në historinë e fuqisë së njeriut për të imagjinuar dhe të fuqisë së politikës për të vepruar zor se do të gjenim një projekt më madhështor se BE. Edhe SHBA janë një tjetër projekt madhështor, por sot ne jemi duke u përpjekur që të çelim negociatat për tu anëtarësuar në BE, po të kishte negociata për në SHBA nuk e di mund të ishte më e lehtë, se nuk do duhet të bindnim 27 koka. Sot, më vjen mirë të kujtoj se presidenti i KE, këtu në Tiranë gjeti fjalët më të goditura për ne”, theksoi Rama.

Në vijim, Kryeministri shtoi se “ia vlen durimi për të dëgjuar më të fundit fare që bëhet personazh dhe zë ekranet e para në Shqipëri, ndërkohë që në vendin e vet nuk i bie radha të dalë në lajme”.