Droni që NATO rrëzoi mbi Letoni ishte ukrainas

Forcat e armatosura të Letonisë kanë bërë të ditur se një dron i rrëzuar në hapësirën ajrore të vendit baltik më 14 gusht ishte me origjinë ukrainase, i fundit në një seri incidentesh të tilla, ndërsa lufta e Rusisë kundër Ukrainës përhapet në vendet fqinje.

Një avion luftarak italian i stacionuar në Baltik e rrëzoi dronin pasi ai hyri në hapësirën ajrore të Letonisë, anëtare e Bashkimit Evropian dhe NATO-s, gjatë sulmeve ukrainase ndaj porteve ruse, tha NATO.

Droni hyri nga Bjellorusia

Dronët e ushtrisë ukrainase që synojnë objektiva në Rusi kanë hyrë në hapësirën ajrore të rajonit Baltik disa herë këtë vit dhe kanë ngritur alarmin.

Forcat e Armatosura Letoneze njoftuan se droni kishte hyrë në Letoni nga Bjellorusia, sipas të gjitha gjasave për shkak të bllokimit elektronik rus. Ata refuzuan të jepnin ndonjë detaj shtesë në lidhje me dronin.