Amerika e Ramës dhe Amerika e Saliut!
nga Agim Popoci
Udhëtimi i Kryetarit të Partisë Demokratike, Sali Berisha, drejt Amerikës e zuri të papërgatitur Sigurimin e Shtetit, i cili ndalimin për të shkelur në tokën amerikane të Saliut e konsideroi të përjetshme, pikërisht ashtu siç e kishte pikturuar në telajon kriminale të George Sorosit, Kryeministri i Taos dhe Zegjinesë, Edi Rama!
Por, ja që nuk ka dy Amerika Reale, siç i paraqiste në rrëfenjën e tij sigurimsi Edi Rama, Ne dhe Ata!
Sapo u ul në fronin e Kryeministrit, Edi Rama filloi të largoi nga administrata ata që ishin të Saliut dhe i zëvendësoi me ata të Ramës; Të njejtën gjë bëri dhe me policët, madje me shumë urgjencë, dhe, pandehur e pamë edhe në Lazarat!
Pasi zhduku nga faqja e dheut “trafikantët e Saliut në Lazarat”, mbinë si kërpudhat nëpër të gjithë Shqipërinë, trafikantët e drogës të Edi Ramës, e për ti bindur shqiptarët se tashmë kemi Amerikën e Ramës dhe jo Amerikën e Saliut, me kryetrafikantin e këtij misioni, Ministrin e Brendshëm, Saimir Tahiri, ai u shfaq përballë Presidentit amerikan Barac Obama, në Shtëpinë e Bardhë!
Kjo Amerika e Ramës filloi të shihet me dyshim nga të gjithë ata që ishin rritur me sytë nga toka e premtuar amerikane, por, për ti dhënë vulën me propagandën e tij, Amerikës së Saliut, Edi Rama paralajmëroi se Amerika e tij do ta shpallë edhe non grata Saliun, ndonëse ai ishte larguar nga drejtimi i Partisë Demokratike!
Këtu edhe Sigurimi i Shtetit filloi ti bindet Edi Ramës i cili fliste për fuqinë e George Soros në botë ndonëse liderët si Putin e Erdogan e kishin larguar nga vatrat e tyre, ndërsa mbushi administratën dhe policinë e shtetit me sigurimsa dhe trashëgimtarë që menaxhonin tashmë parcelat e tëra me drogë, për të cilat edhe vetë Zv/Kryeministri i kohës Arben Ahmetaj do ta pranon shumë vjet më pas, se ishin lejuar me bekimin e Edi Ramës, me arsyetimin kriminal të tij, për rritjen e mirëqenies shqiptare!
Dhe, derisa Amerika e Ramës u bë kryefjala e çdo komunisti në ligjërimin politik ajo i dha edhe goditjen fatale të djathtës shqiptare duke e shpall vërtetë non grata, Sali Berishën!
E djathta shqiptare u dorëzua dhe filloi të dyshoi në pafajësinë e Saliut, jo pse nuk e njihte liderin e saj historik, por ishte rritur me ëndrrat amerikane mbi lirinë dhe pavarësinë shqiptare, dhe e kishte të pamundur të besoj se një kërmë komuniste mund të gërryej gjithë atë shtet, ndonëse Presidenti Donald Trump kishte folur për vite të tëra, dhe, në fund edhe e kishte pësuar pikërisht nga Deep State!
Me Amerikën e Ramës, Edi Rama filloi të krekoset jo vetëm duke tundur “non gratën e Saliut”, por, duke krijuar një realitet të ri ku demokratët nuk ishin më të përbashkuar rreth flamurit, dhe duke shpërfillur nga dalldia në prehrin e Sorosit mesazhin e Saliut që po luftonte për të vërtetën e tij, kur atij dhe shpurës që i shkonte mbrapa i tha me shumë seriozitet:
Jam Sali Berisha, o budallenj!
Ndoshta sot Saliu do të rrinte i strukur në selinë e PD duke kërkuar zgjidhjen sikur bolsheviku Edi Rama do të lexonte edhe libra të revolucioneve tjera duke mos u magjepsur me atë të Tetorit Rus të vitit 1917 dhe parullën historike “I gjithë pushteti sovjetëve”, por, ja që u mashtrua nga Reforma në Drejtësi me të cilën u bind se tashmë gjithçka ka në dorë!
Përveç Saliut filloi ta shkel edhe Llullin e Amerikës së Ramës, ti kapte dorën dhe vjedhtë zgjedhjet, dhe së fundi e pa se edhe kur bënë Marrëveshje publike me Amerikën e tij për Kodin Zgjedhor, e lehtë qenka sepse Marrëveshja edhe griset!
Në sy të shqiptarëve kjo Amerikë e Ramës filloi të ndryshoj bindjet historike, madje edhe komunsitët filluan të binden se Amerika nuk është edhe aq e keqe, siç e rrëfente Xhaxhi Enver!
Mbiu dhe një foto nga Beogradi ku i biri i George Soros kishte vënë në rresht gjithë liderët e Ballkanit, që në mediat shqiptare që kontrollohen nga Edi Rama, u interpretua si urdhra që jepen nga Amerika e Ramës!
E kopili i Sorosit ashtu si Edi Rama pa frena, nuk ndaloi te kanabizimi i tokës shqiptare, non grata për Saliun, Reforma në Drejtësi, Porti i Durrësit dhe Ballkani i Hapur, por mori gërshërët dhe filloi të prej kufirin e Kosovës!
Në rendin e gjërave, përveç syve të Amerikës së Ramës edhe Gjermania e Franca që po shikonin se po ju rrëshqet Evropë nën këmbë, po konfirmonin se nga kanabizimi deri tek ndarja e Kosovë, zhvillimi i ngjarjeve po përkonte me paralajmërimet e atij që Amerika e shpalli non grata, Sali Berishës, e që me pushtetin e tij deri në vitin 2013 ishte aleati më besnik nga ky rajon i trazuar; Ndërkohë anije të tëra me kokainë po trafikoheshin nga shqiptarët që nuk e shikonin më me interes skafin me marijuanë drejt brigjeve italiane, dhe kishin një kapiten lundrimi, Edi Ramën!
Për fatin e mirë të Sali Berishës dhe shqiptarëve, në Shtëpinë e Bardhë u largua hija e draprit dhe çekanit dhe u rikthye ai që e kishte pësuar po nga kjo hije, Donald Trump!
Edi Rama i bindur deri në ato momente se deri sa të ketë jetë Sorosi dhe Amerika e tij nuk bien, filloi të ndryshoj mendje kur pa se si po çmontohej gjithë ajo sëkëlldi komuniste që ndryshoj edhe botën, dhe filloi si kërmë e kuqe që është të futet nën pragun e Shtëpisë së Bardhë!
Po, te pragu i Shtëpisë së Bardhë, aty ku e kuptoi se nuk po e kalon dot dhe se Amerika e tij ka ikur në drejtim të paditur, dhe filloi të bëjë gati shpërblime nga më të ndryshmet deri te falja e ishullit të Sazanit; Dhe ishte ky momoenti kur bossët e drogës fillimisht e më pas edhe Sigurimi i Shtetit i bënë të qartë se po kthehet, Amerika e Saliut!
Po, ajo Amerikë e cila nuk i lejon Shqipërisë të mbjellë drogë por e bënë shtet të sigurt duke e anëtarësuar në NATO!
Ajo Amerikë e cila nuk fillon ta copëtoj kombin në dysh, por i ndihmon ta ndërtoj Rrugën e Kombit!
Ajo Amerikë e cila nuk i thotë shqiptarëve të hanë barë, por ju liberalizon vizat dhe i mundëson të lëvizin në gjithë Evropën!
Ajo Amerikë e cila i konfirmon dashurinë edhe me vizitën e Presidentit Bush në Tiranë, ku Edi Rama me këlyshët e tij edhe mund ta japin haberin se shqiptarët i vjedhën orën presidentit amerikan në Fushë Krujë, por kjo u përgënjeshtrua nga vetë Shtëpia e Bardhë, sepse janë të bindur se shqiptarët nuk vjedhin mikun në shtëpinë e tyre!
Po, kjo është Amerika vite drite larg me Amerikën e Ramës, e cila për 13 vjet ekzistonte vetëm në nënvetëdijen e komunistëve që nuk e kanë kuptuar dhe për fat të keq as nuk do ta kuptojnë se çka është liria, madje as nuk duan të jenë të lirë me një Amerikë që sjell liri, sepse për ta, ashtu siç i ka mësuar edhe Sigurimit i Shtetit, kjo është, Amerika e Saliut!
