Trump: Rusia ka humbur kontrollin e naftës

Presidenti i Shteteve të Bashkuara, Donald Trump, bëri përsëri thirrje për t’i dhënë fund luftës në Ukrainë dhe tha se Rusia ka “humbur kontrollin mbi naftën”. Thirrja e tij erdhi pasi sulmet e shpeshta të Kievit ndaj objekteve ruse të energjisë shkaktuan një rritje të re të çmimeve të naftës në Rusi.

Trump: “Lufta absurde duhet të ndalet”

Përmes rrjetit social Truth, Presidenti amerikan thekson se e gjithë bota vuan ndërsa 25.000 njerëz vdesin çdo muaj!

“Për fat të keq, Rusia ka humbur kontrollin mbi industrinë e saj të naftës për shkak të luftës me Ukrainën. Një numër i madh i rafinerive të tyre të naftës janë shkatërruar, të cilat janë të paktën përkohësisht jashtë funksionit. Kjo luftë absurde dhe e pafundme me Ukrainën duhet të ndalet. E gjithë bota vuan ndërsa 25,000 njerëz, kryesisht ushtarë, vdesin çdo muaj. Çfarë turpi!”

Takimi i Presidentit Trump me atë ukrainas Volodymyr Zelenskyy në kuadër të Asamblesë së Përgjithshme të Kombeve të Bashkuara është planifikuar për nesër. Presidenti amerikan i ka bërë më parë thirrje Ukrainës që të ndalojë sulmet me dronë me rreze të gjatë veprimi ndaj objekteve ruse të naftës në mënyrë që të stabilizojë tregun e energjisë.

Ndryshe, çmimet e naftës mëngjesin e sotëm në SHBA arritën një nivel rekord prej 6.51 dollarë për galon.