Sot Protestë Kombëtare: Edi Rama dorëhiqu!
Studentëve, sot në Protestë Kombëtare pritet ti bashkohen në Tiranë përveç pedagogëve edhe bizneset dhe sindikatat, ndërkohë Partia Demokratike ka ftuar qytetarët të bashkohen në protestën përpara Kryeministrisë, në mbështetje të revoltës studentore kundër Qeverisë Rama.
Manipulimet e Edi Ramës me studentët që protestojnë dhe janë me precedent penal dhe implikimin e Antifas dhe forcave të errëta në protestë, si dhe dorëhqejn e 300 drejtorëve në emër të reformave të dala nga reflektimi pas protestave, nuk kanë sprapsur pedagogët që edhe sot nisin protestën nga Universiteti Politeknik i Tiranës në orën 10:00, për t’iu bashkuar më pas protestës studentore.
Ndërkohë sindikatat e arsimit, SPASH dhe SBASH, u kanë bërë thirrje mësuesve të solidarizohen me studentët. SPASH ka njoftuar pjesëmarrjen në tubimin para Kryeministrisë në orën 11:00 dhe bashkimin me studentët pranë Ministrisë së Arsimit në orën 14:00, ku pritet ti bashkohen protestës edhe artistët dhe punonjësit e kulturës e medias, të cilët kanë bërë thirrje për pjesëmarrje në tubimin e sotëm.
Ndërkohë Partia Demokratike u ka bërë thirrje shqiptarëve t’i bashkohen Protestës Kombëtare sot në orën 12:00, para Kryeministrisë.
Solidarizimin me protestën studentore kanë shprehur edhe Shoqata e Biznesit të Vogël dhe të Mesëm duke bërë thirrje sipërmarrësve të solidarizohen me studentët, duke kërkuar mbylljen e përkohshme të bizneseve gjatë protestës, për ata që do t’i përgjigjen kësaj thirrjeje.
Kështu, sot, Protesta Kombëtare do të dëshmoj se cili është dhe zëri i popullit shqiptar që i bashkohet revoltës studentore me kërkesën e panegociueshme: Dorëheqjen e Kryeministrit Edi Rama!
