Zgjedhjet në Serbi, ikën dy kriminelë lufte Vuçiç-Daçiç, Rusia kërcënon me destabilizim të Ballkanit

Pas numërimit të 96 për qind të votave, përveç pjesëmarrjes rekorde në zgjedhjet parlamentare në Serbi me 69.3 për qind, Qendra për zgjedhje të lira dhe demokraci, CeSID, dhe Agjencia Ipsos kanë bërë të ditur se fitues i këtyre zgjedhejve është Lista Studentore me 52.9 për qind ndërsa humbës është pushteti aktual me listën “Aleksandar Vuçiç – Serbia e Bashkuar“ e cila arirti të marrë 38.8 për qind.

Lista “Ivica Daçiç – Faktor stabiliteti“ arriti të marrë 2.2 për qind duke ngelur poshtë pragut elektoral prej 3 për qind.

Ndërkohë lista shqiptare e Luginës së Preshevës, “Koalicioni Shqiptar”, me 0.7 për qind arriti një sukses historik me bashkimin e saj ku sipas krerëve të kësaj Liste, në Parlamentin e ardhshëm të Serbisë do të ketë 2 deputetë.

“Dy mandate për shqiptarët në Kuvendin e Serbisë, në garë për të tretin! Sipas rezultateve preliminare, “Koalicioni Shqiptar” ka marrë 27.230 vota, që me rritjen prej 35% të koeficientëve zgjedhorë për pakicat kombëtare japin vlerën llogaritëse prej 36.761 votash.

Ky është rezultati i bashkimit politik, i besimit qytetar dhe i përkushtimit të përbashkët për përfaqësim dinjitoz.

Si prijës i listës, falënderoj secilin qytetar të Preshevës, Bujanocit dhe Medvegjës për besimin, të gjitha subjektet politike për bashkimin dhe Kryeministrin Albin Kurti për angazhimin e tij. Bashkë në zgjedhje, bashkë në përfaqësim, bashkë për të drejtat tona,” tha bartësi i listës “koalicioni Shqiptar” i vetëdijshëm se në rast të mosarritjes së fitores për mandatin e tretë, fjatori kryesor është pasivizimi i adresave të shqiptarëve nga regjimi kriminal i Aleksandar Vuçiçit.

Në mesin e listave që nuk kanë kaluar pragun elektoral janë edhe “Serbia Evropiane“ me 0.3 për qind dhe “E djathta Autentike” me 0.9 për qind, “Lëvizja e Forcave të Serbisë – Bogolub Kariç“ me 0.4 për qind, “Alternativa për Serbinë – Vladimir Gajiç“ me 0.1 për qind.

Ndërkohë, përveç faktit se ky largim i dy krimielëve të luftës Aleksandar Vuçiç dhe Ivica Daçiç nuk do të sjellë asnjë ndryshim për shqiptarët në veçanti Kosovës, dhe bota sërish e pa reagimin e beftë të krerëve të Bashkimit Evropian që nuk dallojnë fare me atë kur u largua krimineli Slobodan Milosheviçi 26 vjet më parë dhe asgjë nuk ndryshoi në këtë shtet kriminal që shkatërroi dhe përgjaku, Sloveninë, Kroacinë, Bosnje Hercegovinën dhe Kosovën, me fitoren e studentëve serbë vjen një kërcënim serioz nga Moska për destabilizimin e Ballkanit Perëndimor përkatësisht, Veriun e Kosovës!

Kështu, Presidenti i Këshillit Evropian, Antonio Kosta dhe Presidentja e Komisionit Evropian, Ursula von der Leyen, uruan Listën Studentore për fitoren në zgjedhje, duke shprehur gatishmërinë e institucioneve evropiane për të mbështetur përparimin e Serbisë drejt BE-së.

“Jemi të gatshëm të mbështesim reformat në fushën e sundimit të ligjit, lirisë së mediave, luftës kundër korrupsionit dhe forcimit të institucioneve demokratike, si dhe të punojmë së bashku për realizimin e së ardhmes evropiane të Serbisë,” u shprehën krerët e BE përmes një postimi të përbashkët në rrjetin social X, ndërsa Komisionarja evropiane për Zgjerim, Marta Kos, e cila deri dje mbështetit pa rezervë krminelin Vuçiç tashmë konsideron se rezultati i zgjedhjeve shënon një fillim të ri në marrëdhëniet e Serbisë me Brukselin.

“Për Serbinë mund të fillojë një kapitull i ri. Dyert e BE-së janë të hapura dhe jemi të gatshëm të ecim përpara së bashku,” tha Marta Kos përmes një deklarate duke uruar Listën Studentore, pas pothuajse dy vjetësh protesta për demokraci, sundim të ligjit dhe luftë kundër korrupsionit.

“Pikërisht këto janë vlerat që qëndrojnë në zemër të Bashkimit tonë Evropian!”

Moska: Serbia me Perëndimin, destabilizon Ballkanin Perëndimor

Pas shpalljes së rezultateve paraprake të zgjedhjeve parlamentare në Serbi, mediat kryesore shtetërore në Moskë vlerësojnë se kemi të bëjmë me implikim të shërbimeve sekrete perëndimore, akuza për “revolucion të ngjyrosur”, dhe, tashmë rrezik nga destabilizimi i Ballkanit Perëndimor.

Televizioni shtetëror rus, RT, në plan të parë citon deklaratën e Vuçiçit ku fitoren e opozitës e cilëson si rezultat të shërbimeve sekrete perëndimore dhe rrjeteve  strukturore. Ndërsa, Agjencia shtetërore e lajmeve TASS shkon një hap para me paralajmërimin e analizave të diplomatëve rus se kthimi i shpejtë i pushtetit serb ndaj Bashkimit Eropian dhe NATO-s mund të shkaktoj përçarje të brendshme duke destabilizuar situatën në veri të Kosovës dhe Ballkanin Perëndimor.