Edi Rama në zi për humbjen e Vuçiçit, Kurti dhe Berisha urojnë shqiptarët e Luginës
Derisa lista përbashkët e shqiptarëve të Kaolicionit Shqiptar nga 96 për qind e votave të numëruara aktualisht ka siguruar 2 deputetë në Parlamentin e ri të Serbisë dhe janë në garë për mandatin e tretë, Kryeministrin Edi Rama e ka kapluar zia për shkak të humbjes së vëllait të tij Vuçiç dhe fitores së studentëve, ndërsa Kryeministri i Kosovës, Albin Kurti, dhe, lideri i opozitës shqiptare Sali Berisha, kanë uruar shqiptarët e Luginës duke e konisderuar su arritje historike.
“Sipas rezultateve preliminare, “Koalicioni Shqiptar” ka marrë 27.230 vota në Preshevë, Bujanoc dhe Medvegjë, që me rritjen prej 35 për qind të koeficientëve zgjedhorë për pakicat kombëtare, përkthehen në ekuivalentin e 36.761 votave për përllogaritjen e mandateve.
Dy mandate të projektuara në Kuvendin e Serbisë, me garën për të tretin ende të hapur!
Bashkimi politik i shqiptarëve po shndërrohet në përfaqësim më të fuqishëm parlamentar.
Ndërkohë, Aleksandar Vučić ka pranuar publikisht humbjen në zgjedhje përballë Listës Studentore. Edhe Ivica Dačić po përballet me një humbje të rëndë, me listën e tij që, sipas projeksioneve preliminare, mbetet nën pragun zgjedhor prej 3 për qind,” shpreht Albin Kurti përmes rrjetit social Facebook duke përfunduar:
“Urime të gjithë qytetarëve dhe subjekteve politike shqiptare në Preshevë, Bujanoc dhe Medvegjë që e bënë të mundur këtë bashkim!”
Ndërsa lideri i opozitës shqiptare, Sali Berisha, flet për një dëshmi të rëndësishme të fuqisë së bashkimit të shqiptarëve në Luginën e Preshevës
“Arritje historike e shqiptarëve të Luginës së Preshevës!
Një urim të përzemërt, në emër të Partisë Demokratike, për shqiptarët e Luginës së Preshevës, për rezultatin e arritur në zgjedhjet parlamentare të djeshme në Republikën e Serbisë.
Pas bashkimit në një koalicion të vetëm, ata fituan dy mandate parlamentare, ndërsa edhe një mandat i tretë mbetet i mundshëm,” shprehet Sali Berisha duke përfunduar:
“Ky rezultat është një dëshmi e rëndësishme e fuqisë së bashkimit dhe e përfaqësimit politik të shqiptarëve në Luginën e Preshevës. Urime dhe suksese!”
