Vetëm Gjenerata ER e largon Edi Ramën zvarrë!
nga Agim Popoci
Me shpërthimin e protestave studentore në Tiranë u rritën edhe pritshmëritë e shqiptarëve për një rrëzim sa më të shpejtë të regjimit të Edi Ramës me shpresën tek Gjenerata Z, ndërkohë njeriu të cilit iu dhurua pushteti nga dita e parë në politikë me shpërfillje ekstreme ndaj kësaj gjenerate jo vetëm pse vinte nga Gjenerata e Mijvjeçarit dhe sot është Kryeministër, Edi Rama filloi të kërkoi armën me të cilën do të sulmonte burimin e mbushjes së shesheve që po sodiste me sy, nga ku kërkohej largimi i tij!
Duke mos e pranuar realitetin e ri që u krijua që nga ditët e para të ardhjes së tij në politikë, kur dhe lindi kjo gjeneratë, Gjenerata e Atdheut, Edi Rama ishte i sigurt se Gjenerata Z do të dështoi shumë shpejtë me protesta sepse jetëgjatësia e tij në pushtet është zgjidhur me propagandën e pamëshirshme që krijoi dhunshëm dhe me ndihmën e prindërve të tyre të përdhunuar nga Sigurimi i Shtetit, Njeriun e ri Komunist!
Por, zhvillimi i protestave para Ministrisë së Arsimit, Kryeministrisë dhe në Sheshin Skënderbe dëshmuan për ekzistimin jo të Njeriut por të një Gjenerate të re që po bënë atë që për shumë vite nuk arriti ta bëjë Gjenerata Z, e që ishte një mutacion apo fenomen tjetër, pak rëndësi ka, por i vërtet e që për autor kishte vetë Edi Ramën; Dhe, sot, duke mos hedhur poshtë studimet demografike që u realizuan për Gjeneratën Z nga Crispin Reed deri tek Hale Brotheim, kemi një realitet tëri që nuk ka se si të quhet ndryshe përveç se, Gjenerata ER!
Ndoshta Edi Rama do të ishte sot një Kryeministër ndryshe sikur të respektonte ardhjen e Gjeneratës Z në këtë botë, që sot nuk mund të identifikohet vetëm me përdorimin e internetit dhe ndërveprimin në faqet e rrjeteve sociale, por Rama e keqpërdori me ligësi, dhe, sot, nuk mund të quhet as gabim i tij përderisa ai ka gjen komunist që nuk dinë të veproj ndryshe përveç se me servilizëm, tradhti, krim dhe ligësi!
I kënaqur me gatishmërinë dhe urtësinë e prindërve, duke lexuar broshurat sorosiste mbi Gjeneratën Z, Edi Rama e projektoi këtë gjeneratë si elektorat i cili do të ndiqte gjurmët e paraardhësve duke e votuar sot e mot, pa llogaritur se ata kanë sy dhe vesh, nuk janë të izoluar si shqiptarët e Mijëvjeçarit, dhe, siç flasin dhe të gjitha studimet, janë, dhe, konservatorë e punëtorë më të mirë!
Të rritur dhe ushqyer në një mjedis komunist, Gjenerata ER u rritë duke dëgjuar rrëfenja për njeriun me çorape të kuqe që pastroi Tiranën, Lanën, Parkun Rinia, i dha jetë qytetit me ngjyra, të cilën e kishte bërë copë-copë Saliu me malokët e tij!
Erdhi dita kur nga tavolina e bukës, Gjenerata ER jo vetëm të dëgjoj rrëfenja për Kryetarin e Bashkisë më të mirin në botë, por edhe të shikoj se si po ngjitej në fronin e Kryeministrit, idhulli i tyre, i natës dhe ditës, i babit dhe mamit, gjyshes dhe gjyshit, me premtimet se do t’ju sillte ujë 24 orë, shëndetësi falas, arsim evropian, drejtësinë që i mungoi për 80 vjet popullit shqiptar, dhe në fund, anëtarësimin në BE.
Idhulli i tyre u pa edhe në Këshillin e Sigurimit duke i drejtuar gishtin Rusisë, dhe tashmë ishin në siklet se mos të gjitha rruazat e bardha të gjakut po ju skuqen, e ku do vejë për lesh kjo Gjeneratë që me shumë përkushtim u krijua nga Partia Nënë!
Panë idhullin e tyre si dirigjent i liderëve evropianë edhe kur Zëvendësi i tij në kërkim nga drejtësia, Arben Ahmetaj, qartësoi shqiptarët, se vetëm me lejen e Edi Ramës u kanabizua Shqipëria, ashtu siç u hap dhe Tuneli i Llogarasë për milionë dollarë më shumë për teket e Samir Manes dhe premtimet e Belinda Ballukut!
Dhe, ndërsa I Madhi dhe Më i Gjati kthehej në atdhe, për çdo premtim të pambajtur dhe akuzë për korrupsion nga SPAK-u deklaronte se fajet i kishte Saliu, ndërsa për çdo protestë të opozitës akuzonte Saliun e etur për zjarrvënie dhe e shoqëronte me hu edukativ dhe gaz lotsjellës mbytës, si dhe për çdo zgjedhje të radhës nuk mungonte kërcënimi epik, O Unë O Saliu!
Ndërkohë, paradoksalisht, fal po këtij Saliu që liberalizoi vizat, Gjeneratës ER iu dha rasti të marrë botën në sy dhe të shoh se nuk është bota që e kishin pa në rrëfenjat e tavolinës së bukës, as nga goja e idhullit të tyre, sepse ujë 24 orë kishte edhe aty ku nuk kishte Sali, Arsim falas kishte edhe aty ku kishte Opozitë, Drejtësi Evropiane kishte edhe aty ku nuk kishte Soros, Alex e aq më pak George, dhe Shëndetësi Falas kishte edhe aty ku nuk kishte as QSUT, as Spital Amerikan, as Edi Ramë, as dreq e as bir e shpirt të shenjtë komunistë!
Dhe, pas çdo udhëtimi jashtë shtetit, kthimi ishte edhe më i kobshëm me Lanën që kundërmon nga ujërat e zeza që vazhdojnë e derdhen në qendër të qytetit, në lumin i cili në ditët e fundit të mijëvjeçarit ishte mburrja e pastërtisë së Partisë, ujin që nuk e kanë as për ti larë dhëmbët, dritat që ikin nga linjat e lodhura elektrike, dhe lajmin e fundit për ti vënë pikën e betonit mbi Parkun Rinia, lejen për ndërtimin e një kulle beter!
Kështu, të revoltuar për botën e gënjeshtërt që u kishin servirur prindërit e tyre komunistë dhe idhulli mashtrues Edi Baba që tashmë po mbron edhe hajdutët e tij, Gjenerata ER shpërthej jo për ti ndihmuar asaj Gjenerate Z me të cilën Kryeministri po tallej vetëm pse dalin në protesta paqësore e ai po u jepte dru pa mëshirë, por, për ti kërkuar pa kushte, largimin e Edi Ramës!
Qiqrat në Antifa që kërkon Edi Rama tashmë janë problem vetëm i Edi Ramës, ashtu si dhe të huajt që na i paskan vu flakën të rinjve shqiptar për ti nxitur në keqbërje, por, sot, është e qartë se Gjenerata ER nuk do t’ia di më as për plumbat e gomës në sy, as në gjoks, as për gazin lotsjellës serb ose izraelit, as për topat ose kallashët e ujit, madje as për gjoba që vënë Kryeministri për protestues ndërsa i vazhdojnë halucinacionet me Saliun!
Më të vendosur se kurrë, edhe kur ndërsen gjithë policinë duke mos kursyer edhe studentët e gjimnazitët e shtrirë për tokë, sot, Gjenerata ER, për Kryeministrin Edi Rama që si gurgdhendës vazhdon dhe kërkon edhe dialog në gurë, nuk ka më alternativë, vetëm, DORËHEQJE!
