Studentët i kërkojnë dorëheqjen, Edi Rama sulmon protestuesit dhe tenton të “blej” popullin me ulje taksash

Ndërkohë që studentët, pedagogë, gjimnazistët dhe qytetarët tjerë të Tiranës pas marshimit drejt Ministrisë Arsimit filluan protestën duke e bërë të qartë se refuzojnë dialogun dhe nuk do të heqin dorë nga protestat deri në largimin nga detyra të Kryeministrit, Edi Rama u shfaq para kamerave duke akuzuar protesuesit duke i quajtur si një grup dhunuesish dhe përndjekësish online ndërsa deklaroi se do të qëndrojë në krye të detyrës deri në ditën e fundit të mandatit.

Dhe jo vetëm kaq! Edhe në këtë dalje publike Kryeministri më i korruptuar në Evropë bëri përpjekjen e radhës për çuar popullin kundër protestuesve dhe për t’i bërë për vete pas lajmit për uljen e TVSH për produktet e shportës në 6 për qind, heqjen e taksës së qarkullimit për karburantet, dhe, rritjen e pensioneve të dyshifiohet në çdo vit pasardhës.

“E kam pyetur veten këto ditë, a është e mundur të pranohet si normalitet agresioni i një turme që në emër të studenteve dhe rinisë kërkon të na imponohet të gjithëve jo vetëm duke thyer xhamat e ministrisë, por duke thyer çdo normë të bashkëjetesës mes njerëzve të të njëjtit qytet.

Kur them të gjithë nuk kam parasysh vetën dhe qeverinë, kam parasysh të gjithë atra që nuk janë pjesë e këtij agresioni dhe që përjetojnë frikë, pasiguri nga kjo trume dhunuesish urbane dhe përndjekësish online. Kam parasysh edhe ata që nuk më duan mua kryeministër, por duan të lëvizin lirisht, të shkojnë në punë.

A mund të na imponohet një turme me britma dhe të shara, duke bllokuar trafikun pa pyetur për lirinë e askush, shpërthen në një furi dhune me gurë dhe zjarr.

Kush janë këta? Nuk dua ti rikthemi përbërjes së kësaj turme, një mish mash kategorish ku janë mbledhur individë parti politike që nuk kanë lidhje me njëra tjetrën. As dua të përsëris ndërhyrjet e duarve të huaja, parasë së zezë, apo krimit të organizuar,” tha Edi Rama duke kërcënuar dhe pedagogët, të cilët i janë bashkuar protestave studentore.

“Ju kam ndjekur këto javë dhe kam komunikuar në mënyrë sporadike me disa prej jush, por edhe me pedagogë e prindër që i kam pyetur për të kuptuar më shumë. Dua të them që klima e terrorit të krijuar në mjediset e shkollës apo ne celularët tuaj nga një pakicë e dhunshme mbi shumicën për të dalë në protestë apo për të mos bërë mësim është e papranueshme.

E papranueshëm është edhe bojkoti i mësimit nga një pjesë e pedagogëve, individë të politizuar që duan të përdorin studentët si mish për top Dhe nuk e kanë për herë të parë. Për këtë të fundit do të ndërhyjmë në ligjin përkatës pasi të konsultohemi edhe me forumin e rektorëve, sepse tjetër është liria e protestës tjetër është imponimi mbi ata që duan të bëjnë mësim,” tha Rama duke bërë përgjegjës në këtë situatë edhe VIP-at, të cilat i akuzoi se me gjuhën e tyre në media dhe rrjetet sociale, ndihmuan protestuesit të thyejnë automate dhe të vjedhin banka.

“Nuk ka asnjë lidhje me popullin dhe autorizim për të folur për popullin. Populli flet vetë dhe as kjo turmë e verbër as ne vetëm sovrani popull jep mandatin për të folur. Kjo është marrëveshja themelore e demokracisë.

Ama liria dhe e drejta e tij tyre e atyre që duan të imponojnë mendjen idetë, mbarojnë aty ku nis liria e drejta e t6ë tjerëve. Dhe mbi të gjitha jetët e tyre. Ky kufij e ndan bashkëjetesën demokratike nga totalitarizmi dhe xhungla ku ekziston frika. E pyes veten shumë a është e mundur të mirëkuptohet kjo furi dhunë sharjesh që gëlojnë ndaj kujtdo që nuk i bindet agresionit ndaj kësaj turme, që nuk i bën Hosana kësaj turme. Turmë që pretendon të mbështete pa kushte në kuturisjen e saj anti demokratike ku në fjalorin nuk ka asnjë fije respekti, norme mirësjellje, dialogu apo ballafaqimi.

Mua personalisht më rezulton e pamundur ta kuptoj këtë sulm frontal ndaj kodit të qytetërimit tonë. As tradita familjare shqiptarë, as normat demokratike, nuk kanë asnjë gjë të përbashkët me përmbajtjen e këtij sulmi vulgar gjuhësor në emër të rinisë ardhmërisë, ku gjuha kocka s’ka po kocka thyen, me ndihmën e VIP po thyen automate dhe vjedh banka. Detyra më ka çuar në çdo skaj të Shqipërisë, por përmes pafundësisë së dritave dhe hijeve kam partë se sa herë më e thellë në shpirt është Shqipëria që nuk përfaqësohet as nga kjo turmë agresive dhe as nga ekranet e urryera televizive.

Ata që urrejtja i pengon ta shikojnë Shqipërinë në transformim historik, me këtë shumicë qeverisë dhe punën e shumicës dërrmuese janë në drejtën e tyre të kritikojnë, protestojnë të kërkojnë dorëheqjen time. Janë deri në fund të detyrës sime në kontratë me shumicën e Shqipërisë,” tha Rama dhe kaloi në pazarin për blerjen e popullit duke i njoftuar ndryshimet në skemën e taksimit të karburanteve me heqjen e taksës së qarkullimit nga çmimi i naftës.

“Do të heqim taksën e qarkullimit nga çmimi i naftës dhe do ta ulim 32 lekë në pompë, çmimin e naftës, ndërkohë që taksën do të vendosim tek makina dhe do ta mbledhim përmes drejtorisë së transportit rrugor. Do vendosim një taksë të re qarkullimi për makinat e huaja që hyjnë në Shqipëri,” tha Rama duke prezantuar dhe Paketën e re fiskale, e cila parashikon ndryshime në taksimin e bizneseve, pagave, produkteve ushqimore dhe pronave.

“1. Ulim normën TVSH për ushqimet bazë – nga 20% ne 6% për 54 produkte, ku përfshihen mes të tjerash mishi, peshku, bulmeti, vezët, miellin, vajrat, sheqerin, makaronat, frutat, perimet dhe ushqimet bazë për foshnjat. Vetëm me këtë lëvizje, ne shtojmë në arkën e familjeve shqiptare rreth 150 milionë Euro në vit për ushqimin, që deri më sot i kalonin shtetit përmes TVSH-së 20%. Nga ana tjetër praktika e re e Pasqyrës së Çmimeve do të zgjerohet e fuqizohet, për të garantuar që ulja domethënëse e çmimeve të shportës të jetë e mbrojtur nga abuzuesit e mëdhenj

2. Rrisim me 1% normën standarde të TVSH-së si një kompensim i ndershëm kontributesh nëpërmjet rishpërndarjes ose e thënë ndryshe, për të gjitha mallrat jashtë shportës të gjithë ne do të kontribuojmë që shporta për ata që e kanë më të vështirë fundin e muajit, të jetë e garantuar si një shpenzim i arsyeshëm.

3. Nuk rrisim normën e tatimit të fitimit të sipërmarrjes, e cila mbetet 15% ose e thënë ndryshe në nivelin më të lartë në rajon – dëgjojeni mirë, ndryshe nga sa ju rrokanisin ekranet e korruptuara dhe portalet e paguara, ne i tatojmë të mëdhenjtë, pra biznesin e madh me normën më të lartë në Ballkanin Perëndimor prej 10 e më shumë vitesh. Por sot rrisim ama në normën më të lartë që ka rajoni edhe tatimin mbi dividentin e tyre, i cili duke shkuar nga 8% në 15 %, i ngarkon biznesmenët e mëdhenj me një taksë më të ndershme mbi fitimin e tyre, në funksion përsëri të lehtësimit të atyre që kanë më pak.

4. Ulim barrën tatimore, më vjen natyrshëm buzëqeshja sepse janë  32,000 tatimpagues që janë pjesë vitale e shtresës së mesme që e kërkojnë prej kohësh këtë lëvizje, rritjen e pragun të sipërm të tatimit mbi pagën, nga 200 mijë në 300 mijë lekë të reja. Këtë lëvizje nuk na e lejonte ekonomia deri dje, sot rritja e ekonomisë na jep mundësinë.

5. Nga ana tjetër vendosim një prag të ri të tatimit mbi pagën 700 mijë lekë të reja, ku norma e tatimit bëhet 30%, në radhë të parë si një instrument për të mbyllur shtegun e evazionit të dividentit.

6. Po ashtu, ulim pragun e aplikimit te TVSH-së për çdo biznes me xhiro vjetore mbi 5 milionë lekë, pasi nuk mund të lejojmë që shumë biznese të vogla të vazhdojnë të abuzohen duke i shërbyer si guacka bizneseve të mëdha për tu fshehur. Kjo lëvizje duhet të shërbejë si paralajmërim edhe për bizneset nën 5 milionë lekë, që të mos luajnë me faturat e të mëdhenjve, nëse nuk duan të hyjnë në regjimin e TVSH-së vitin e ardhshëm. Ndërkohë, qëndron i paprekur zotimi ynë publik, taksa zero mbi fitimin për të gjithë biznesin e vogël deri në vitin 2029.

7. Rrisim edhe normën e TVSH-së në hoteleri nga 6% në 10 %, duke përjashtuar nga kjo rritje agroturizmin.  Është një masë që duhet të jetë një mesazh për pronarët e hoteleve, nga të cilët kërkohet formalizim në kushtet kur të ardhurat e tyre rriten dhe vetëm rriten e rriten çdo vit.

8. Ka ardhur koha e një sistemi të ri taksimi të ekonomisë digjitale, duke filluar nga ata që jetojnë goxha mirë dhe jam shumë i lumtur për këtë, me llajke e follëer-sa dhe duke vazhduar me tregtinë e mirëfilltë digjitale, për të cilat po përgatitet një projekt i veçantë nga Ministria e Financave. Paralelisht po punohet në ligje e vendime të tjera, edhe për disa masa të reja që shkojnë po në këtë drejtim, solidaritet me ata që e ndjejnë më shumë presionin e rritjes së kostove të jetesës nga rritja ekonomike dhe nga zhvillimi i shpejtë ekonomik që krijon vetvetiu pastaj hendeqe dhe ne duhet të jemi aty për t’i ngushtuar. Një super-taksë prone për ata që blejnë e mbajnë apartamente bosh, duke refuzuar t’i japin me qera (është e drejta e tyre, po duhet të paguajnë njësoj siç po bëjnë në disa vende të tjera të Europës që po përballen me koston e rritur të apartamenteve); një super-taksë prone për vilat në bregdet, edhe ata duhet të paguajnë më shumë për pronën e tyre dhe një çmim i shumëfishuar për ujin e pishinave. Kjo shkon në një tjetër ligj ndërsa në këtë paketë fiskale do të ketë edhe një super-taksë për makinat e luksit.

9. Në ndërkohë, pranë Ministrisë së Financave do të krijohet edhe Byroja e Kontrollit të Specializuar të të Ardhurave, për faktin se formulari i deklarimit të të ardhurave do të ndryshojë sipas formatit të shteteve të Bashkimit Europian ose e thënë më thjeshtë, për të gjithë individët me të ardhura relativisht të larta do të jetë shumë i ngjashëm me formularin e deklarimit të pasurisë që mbushin prej vitesh të gjithë funksionarët publikë.

10. Këtë e lashë të fundit në radhë, sepse është një tjetër lajm të shumëpritur nga shumëkush, të cilin përsëri duhet ta mbani mirë parasysh, nuk e sjell dëshira e qeverisë, as dëshira ime – se dëshirën e kemi pasur gjithnjë – po e sjell rritja e ekonomisë: Do të heqim taksën e qarkullimit nga çmimi i naftës dhe do ta ulim automatikisht 32 lekë në pompë çmimin e naftës, ndërkohë që taksën do ta rikthejmë tek makina dhe do ta mbledhim përmes Drejtorisë përkatëse të Transportit Rrugor. Nga ana tjetër, do të vendosim një taksë të re qarkullimi, siç e ka gjithë Europa, për makinat e huaja që hyjnë në territorin e Republikës së Shqipërisë,” tha Kryeministri Rama duke bërë sikur po shqetësohet për popullin shqiptar ku veçoi si gjithmonë përdorimin e pensionistëve.

“Të nderuar bashkëqytetarë dhe të gjithë ju që skeni lidhje me dhunën dhe që e refuzoni dhunën si një mjet të shprehjes së pakënaqësinë, por edhe të gjithë ju që në këto ditë të vështira nuk keni munguar së treguar mbështetjen dhe solidaritetin tuaj, jo për mua, por për misionin që nuk mund dhe duhet të dalët. E kam thënë kur mora mandatin e katërt që shqiptarët të marrin më shumë nga rritja ekonomike. Çdo vit kemi rritur volumin e shpërndarjes dhe shërbime sociale. Në këtë rishpërndarje, rritja e pensioneve të dyshifiohet në çdo vit pasardhës. Jam shumë i vetëdijshëm për presionin e rritur të kostos së jetës për familjet e zakonshme.”

Në fund, pas gjithë kësaj vjellje kundër studentëve, pedagogëve dhe gjithë atyre që mbështesin protestën, Kryeministri Edi Rama e bëri edhe të fortin duke theksuar se nuk do të tërhiqet nga përgjegjësitë e tij dhe se mandati i besuar nga qytetarët nuk nënkupton se duhet t’u shkojë pas avazit atyre që pretendojnë se janë studentë.

“Unë jam dhe do të jem në krye të detyrës sime deri në ditën e fundit të kontratës me njerëzit e zakonshëm të Shqipërisë që ma kanë besuar këtë detyrë për të bërë çmos për këtë vend të bekuar dhe jo për të shkuar pas avazit të atyre që thonë jemi studentë dhe shkulin gurë!”