Sot Protestohet! Studentët para Ministrisë Arsimit, PD para Kryeministrisë!

Sot studentët do të mbajnë në orën 12:00 përpara Ministrisë së Arsimit në Tiranë, Protestën Kombëtare, duke kërkuar dorëheqjen e Kryeministrit Edi Rama, me thirrjen “Pa dorëheqje nuk ndalemi”.

Në mbështetje të studentëve pritet të jenë edhe pedagogët, të cilët prej disa ditësh kanë bojkotuar procesin mësimor, duke iu bashkuar kërkesave të të rinjve.

Ndërkohë, në shesh pritet të rikthehet edhe Partia Demoikratike në mbështetje të protestës studentore, po ashtu në orën 12:00 por para Kryeministrisë me moton “Të gjithë në Tiranë”.

Në thirrjet e studentëve është artikuluar si kërkesë kryesore largimi i Kryeministrit Edi Rama ndërsa është kërkuar një frymë e re në Shqipëri. Të rinjtë e kanë bërë të qartë se nuk tërhiqen pa plotësimin e kërkesave të tyre, ndërsa Protesta Kombëtare e ditës së sotme pritet të jetë dhe një mesazh për Edi Ramën dhe mediat që e mbështesin se masat e tij të dhunshme nuk do të sprapsin sudentët në qëllimin e tyre primar.

Ndërsa Kryetari i Partisë Demokratike, Sali Berisha, duke bërë thirrje për protestë e bëri të qartë se qëllimi kryesor i protestës është t’i jepet një mesazh qeverisë se studentët kanë dhe do kenë mbështetjen e plotë dhe mburojën e plotë të shoqërisë shqiptare, duke përfunduar:

“Sot është një ditë prove në ndërgjegjen e çdo qytetari shqiptar, e çdo banori të këtij vendi. Studentët në revoltën e tyre kërkojnë që të mbeten fëmijë të këtij vendi.
Kërkojnë që ëndrrën e tyre më të bukur rinore ta ndërtojnë në Shqipëri dhe për Shqipërinë, për veten dhe familjet e tyre.”