“Balluku”, Raporti i KE: Pas një vonese të gjatë, Parlamenti votoi kundër kërkesës së SPAK për heqjen e imunitetit

Raporti i Progresit për Shqipërinë për vitin 2026 i cili u prezantua sot ngre shqetësime si për funksionimin e shtetit të së drejtës dhe parlamentit, ku merr dhe shembull vendimin shqetësues të Parlamentit për të mos miratuar kërkesën e SPAK-ut për heqjen e imunitetit të deputetes Belinda Balluku.

“Mbikëqyrja e ekzekutivit nga Parlamenti mbeti e dobët. Në shtator 2025, nuk u zhvillua asnjë debat domethënës mbi programin e qeverisë së re. Paraqitjet e anëtarëve të Këshillit të Ministrave në seancat e pyetjeve parlamentare ishin të parregullta.

Shumica e nismave legjislative u paraqitën nga Këshilli i Ministrave. Edhe në rastet kur nismat paraqiteshin nga Parlamenti, ato vinin kryesisht nga partia në pushtet. Kjo dobësoi rolin dhe përgjegjësinë e Parlamentit në procesin legjislativ, si dhe kufizoi dialogun ndërmjet forcave politike. Kërkesat e opozitës për ngritjen e komisioneve hetimore parlamentare u refuzuan sistematikisht, pa u zhvilluar asnjë debat,” thekson Komisioni Evropian në Raport për Parlamentin rrumpallë që krijoi Edi Rama ku refuzohet kontrolli i Qeverisë si dhe trajtimin e kërkesave opozitës për ngritjen e komisioneve hetimore parlamentare ndërsa shembull konkret merr dhe çështjen e Belinda Ballukut ku u u refuzua dhe kërkesa e SPAK-ut.

“Pas një vonese të gjatë, Parlamenti votoi kundër kërkesës së SPAK-ut për heqjen e imunitetit të një deputeti, pavarësisht kërkesave të përsëritura të opozitës për mbledhjen e Këshillit për Rregulloren, Mandatet dhe Imunitetin.

Kjo ngre shqetësime lidhur me funksionimin e mekanizmave të kontrollit dhe balancës ndërmjet pushteteve, si dhe respektimin e parimit të barazisë përpara ligjit.”