Sot protestohet, PD në orën 12:00 para Kryeministrisë, studentët në 14:00 para Ministrisë Arsimit

Sot Protesta Kombëtare fillon në orën 12:00 para Kryeministrisë ku Partia Demokratike i ka bërë thirrje çdo qytetari shqiptar të bashkohen në mbështetje të revoltës studentore kundër Kryeministrit Edi Rama, e cila në orën 14:00 ka paralajmëruar protestë para Ministrisë së Arsimit deri në dorëheqje.

Vetë Kryetari i Partisë Demokratike, Sali Berisha duke bërë thirrje theksoi se suksesi i revoltës studentore është sukses i çdo qytetari shqiptar që e do këtë vend.

“Është sukses i shqiptarëve të të gjitha moshave dhe bindjeve që duan të ndërtojnë jetën në Shqipëri. Është sukses për kombin shqiptar, i cili po e boshatis këtë vend ndër më të pasurit në Evropë dhe në botë. Është sukses i shpresës dhe të ardhmes së shqiptarëve,” tha Sali Berisha duke përfunduar me thirrjen:

“Të gjithë me studentët, të gjithë për studentët, për suksesin e revoltës së tyre.”

Ndërkohë studentët do të zhvillojnë sot Protestë Kombëtare në orën 14:00 para Ministrisë së Arsimit duke vazhduar të refuzojnë dialogun me Kryeministrin Edi Rama i cili bëri publike dhe një platformë online për të komunikuar me ta.

Në krah të studentëve edhe sot do të vazhdojnë të qëndrojnë pedagogët, të cilët kanë shprehur publikisht solidaritetin me protestuesit përkundër masave represive, gjobave dhe burgosjes që vazhdon dhe aplikon regjimi i Edi Ramës.