Shefi i NATO-s: Rusët humbasin më shumë ushtarë në muaj sesa SHBA në Vietnam për 14 vjet

Rusia po humbet më shumë se 40.000 ushtarë në Ukrainë çdo muaj, përfshirë ata të vrarë dhe të plagosur rëndë, tha Sekretari i Përgjithshëm i NATO-s, Mark Rutte, gjatë një fjalimi në Forumin Atlantic Future duke e krahasuar me humbjet totale amerikane gjatë luftës 14 vjeçare në Vietnam, raporton Ukrainska Pravda.

Krahasimi me Vietnamin

Mark Rutte shpjegoi se Presidenti rus Vladimir Putin nuk po arrin të realizojë qëllimet e tij në fushën e betejës, duke përmendur humbjet e mëdha njerëzore që Rusia ka pësuar në muajt e fundit.

“Shtetet e Bashkuara kanë humbur 56.000 njerëz në Vietnam në 14 vjet. Këtu, Rusia ka 40,000 të vdekur ose të plagosur rëndë vetëm në një muaj. Të dhënat fillestare për tetorin tregojnë se ky numër mund të kalojë 50.000. Pesëdhjetë mijë vetëm në një muaj,” tha Mark Rutte.

🚨 🚀🇷🇺🇺🇦 NATO Secretary General Mark Rutte claims Russia is suffering heavy battlefield losses in its war against Ukraine: "Russia’s war against Ukraine continues. Putin is failing on the battlefield. In the past few months, Russia has been losing more than 40,000 troops killed or seriously wounded every month."

— Russia News (@russianews_eng) November 12, 2026

Sulmet ndaj civilëve dhe lufta hibride

Sekretari i Përgjithshëm i NATO-s beson se Putini, për shkak të dështimit të tij në front, iu drejtua sulmeve ndaj civilëve me qëllim që të thyente vullnetin e Ukrainës për të luftuar. Ai tha se Rusia po synon qytetet ukrainase me raketa dhe dronë dhe po përpiqet të shkatërrojë infrastrukturën kyçe përpara dimrit.

“Rusia gjithashtu ka rritur fushatën e saj të aktiviteteve armiqësore në të gjithë Evropën. Putini po përpiqet të na ndajë, të destabilizojë shoqëritë tona dhe të prishë mbështetjen tonë për Ukrainën me zjarrvënie, incidente me dronë, sulme kibernetike dhe veprime të tjera dashakeqe. Por le të jemi të qartë – ai nuk po ia del mbanë. Ne i përgjigjemi çdo sulmi hibrid rus ndaj vendeve tona duke dërguar edhe më shumë ndihmë në Ukrainë”, tha ai.

Vlerësimet e humbjeve totale

Aleanca më parë vlerësoi se Rusia pësoi më shumë se 50,000 viktima vetëm në shtator, nga të cilat 28,000 u vranë, që është dukshëm më shumë se humbjet e forcave të armatosura ukrainase. Sipas një vlerësimi të publikuar gjatë verës, NATO beson se Rusia ka humbur më shumë se 1.4 milion ushtarë që nga fillimi i pushtimit.