Video/ Kroaci, Stjuardesa britanike e cila ra nga kroçiera: Shpëtova duke kënduar!

Shtetasja britanike e cila dje ra nga kroçiera Norwegian Star afër Lloshinjit në Kroaci dhe 10 orë i kaloi në det të hapur, është stjuardesa 46-vjeçare, Kay Longstaff, raportojnë mediat britanike. Kroçiera po lundronte në linjën Pula – Venecia.

Kamerat e sigurisë kanë vërtetuar se stjuardesa britanike ka ra nga kroçiera në orën 23:45, por ende nuk është e qartë se si ndodhi.

Ishte e dehur?!

“Për fatin e mirë të saj dhe tonin,  e kemi vërejtur menjëherë sepse ngriti duart lartë sapo na pa. Është çudi si mbijetoi. Në kroçiere menduan se nuk ka mbijetuar. E qartë është edhe përgatitja e saj fizike. Na tha se merret me joga  dhe se gjatë qëndrimit në det, gjatë gjithë kohës kishte kënduar që të mos i bie temperatura e trupit, të mbetet e zgjuar,” tha kapiteni i anijes “Cavtat”, Lovro Oreshkoviç, anije kjo e rojes bregdetare kroate që shpëtoi shtetasen britanike, shkruan e përditshmja kroate ”Glas Istre” duke shtuar se ajo u dërgua në spital por menjëherë u la e lirë pasi u konstatua se është në gjendje të mirë shëndetësore.

E përditshmaj britanike “The Sun” shkruan se Longstaff  në mbrëmje kishte konsumuar alool.

Ndërkohë “Daily Mail”, shkruan se Longstaff ra nga kroçiera, nga kuverta nr.7 aty ku është teatri  dhe të paktën pesë pube. Kroçiera duhej të mbërrinte në Venecia rreth orës tetë në mëngjes, por për shkak të incidentit mbërriti në orët e pasditës.

“Kam ra nga kuverta e anijes. Në ujë isha rreth gjashtë orë. Jam e lumtur që jam gjallë,” tha Longstaff për “Glas Istre”.

“Daily Mail” shton se shtetasja britanike punon si stjuardese për kompaninë e njohur ajrore “Virgin Atlantic”, por aktualishte punon vetëm nëpër avionë privat  dhe jeton në rajonin spanjoll Costa del Sol.