Ja pse shqiptarët vuajnë, Johannes Hahn: Pas Kosovës dhe Serbisë, të tjerët nuk mund t’i ndryshojnë kufijtë!
Shqiptarët jashtë kufijve zyrtarë të Shqipërisë duke vazhduar t’a vrajnë mendjen si mbeten jashtë kufijve shqiptar, e gjetën papritur përgjigjen në Forumin Evropian në Alpbach të Austrisë. Për këtë më meritori është Komisionieri për Zgjerim i Bashkimit Evropian, Johannes Hahn.
Shqiptarët kanë dëgjuar shumë broçkulla evropiane por kjo e nxjerrë nga goja e një Komisioneri të rëndësishëm në një Forum prej të cilit shqiptarët e Koosvë dhe Luginës së Preshevës presin shumë, është e paprecendt.
“Kosova dhe Serbia pajtohen për ndryshim të kufijve, kjo nuk mund të përdoret si arsye për ndryshime kufijsh në vende tjera në rajon,” thotë ai duke folur në Forumin Evropian në Alpbach të Austrisë, jo vetëm për tu bërë me dije shqiptarëve që të mos llomotitin kot sepse Bashkimi Evropian është në dijeni se presidenti i Kosovës, Hashim Thaçi dhe ai i Serbisë, Vuçiç po negociojnë për ndryshim kufijsh, por duke marrë përsipër edhe të ardhmen e rajonit i cili, sipas tij, pa lejen e BE nuk ndryshon dot kufijtë.
“Pra edhe bashkësia ndërkombëtare duhet ta bëjë me dije se kjo është një marrëveshje vetëm për këtë rast, që ne fund të ditës do të kontribuojë që të krijojë stabilitet, paqe dhe prosperitet në rajon”, u shpreh Komisioneri Hahn duke harruar se kufijt për të cilët flet nuk i kanë vënë shqiptarë por ata që ai i përfaqëson, por për dallim nga viti 1913, ai sot nuk i përcakton dot si kufijtë ashtu edhe kërkesat e shqiptarëve pavarësisht se çfarë dhe në emër të kujt flet.
