Juventus fiton Kupën e Italisë, shkatërron Milanin…

Juventusi ka fituar për herë të 13 Kupën e Italisë, ndërsa tupërruan Milanin në finale.

Takimi në “Olimpico” u mbyll me rezultatin 4:0, në favor të ekipit të Max Allegrit.

Pritej një ndeshje më interesante pasi pjesa e parë u mbyll 0:0, mirëpo torinezët shënuan katër herë në pjesën e dytë.

Dy herë Benatia, një herë Douglas Costa dhe një autogol i Nicolas Kalinic, i sollën këtë triumf Juves.

Kontribuoi këtu edhe paraqitja katastrofale e Gigio Donnarummas, i cili bëri gafa amatoreske në dy gola.

Juve mund të fitojë edhe Scudetton në këtë stadium të dielën, nëse merr të paktën një pikë në duelin me Romën.

Nota më e lartë në këtë takim i takoi mbrojtësit, Med’hi Benatia, i cili shënoi dy gola. Marokieni u vlerësua me notën 9.1, pas tij renditet Douglas Costa me 9.0.

Kurse nota me dobët në këtë ndeshje i takoi Gianluiggi Donnarummas i cili bëri dy gabime që i kushtuan me gol. Portieri italian mori notën 5.3.